r/ArabUnix • • Feb 04 '26 Bravo

Tutorials | شروحات {Guide} الشرح التفصيلي والشامل لتشغيل الالعاب علي لينكس

90 Upvotes

البوست ده هيكون عبارة عن كيفية تشغيل الالعاب علي لينكس من مختلف المنصات سواء Steam/Epic Games/GOG/Ubisoft connect/Battle.net/EA + الكراك زي Fitgirl/Dodi + Online fix

قبل اي حاجة في كام نقطة محتاج اوضحهم
1-دلوقتي فوق 90% من الالعاب بتشتغل علي لينكس بس في بعض الالعاب الي بتستخدم kernel level anti-cheat مش بتشتغل وده مش بسبب ان "لينكس مش بيشغلها" لا ده بسبب ان مطورين اللعبة رفضوا دعم لينكس طيب ايه هي الالعاب الي مش بتشتغل علي لينكس؟ اشهر الالعاب الي مش بتشتغل بسبب الkernel level anti-cheat(الي هو عبارة عن سوفتوير تجسس) هما

Valorant

League of legends

GTA online

Battlefield 1/5 (بس النسخة الكراك شغالة)

Battlefield 2042

Apex legends

PUBG نسخة ستيم والمحاكي

Fortnite

طب هتقولي ايه الي بيشتغل يعم😂

هقولك عندك العاب مشهورة و كويسة جدا زي:

Dota 2 (شبيهة league of legends)

Counter strike 2

The finals

Rocket League

Overwatch 2

وتقدر تعرف هل اللعبة الي انت عايزها بتشتغل او لا من خلال الموقعين دول

1-Are we anti cheat yet

2-ProtonDB

هتسرش عن اللعبة وتشوف بتشتغل ولا لا

2-انا دايما برشح للجيمنج ارش ومشتقاته زي: EndeavourOS او CachyOS (انا شخصيا بستخدم EndeavourOS)

او فيدورا ومشتقاته زي bazzite

وبرشح kde plasma desktop environment لأنها اقرب واجهة للويندوز

وبلاش ديبيان ومشتقاته للجيمنج زي mint/ubuntu/zorin بسبب ان المستودعات قديمة والسوفتوير والكيرنل والدرايفرز دايما قديمة ومش بيتحدث الا كل سنتين فا مش هتاخد اخر تقنيات واحسن اداء

3-بنصح انك قبل ما تنزل العاب وتشغلها تشغل الالعاب من Linux-compatible file systems زي Ext4 او BTRFS يعني بلاش خالص تستخدم NTFS بتاع الويندوز عشان هيحصل مشاكل في التشغيل وفي الغالب اللعبة مش بتفتح اصلا

​​

اولا: هنحدث النظام ولو انت مستخدم فيدورا لازم قبل اي حاجة تفعل الRPM Fusion

هتكتب الكود ده تيرمنال (بكرر لو انت فيدورا مش ارش)

sudo dnf install https://mirrors.rpmfusion.org/free/fedora/rpmfusion-free-release-$(rpm -E %fedora).noarch.rpm https://mirrors.rpmfusion.org/nonfree/fedora/rpmfusion-nonfree-release-$(rpm -E %fedora).noarch.rpm

ولو انت مستخدم ارش لازم تفعل الlib32 libraries

هتفتح التيرمنال وتكتب الكود ده وهيطلب منك الباسورد

sudo nano /etc/pacman.conf

هتنزل تحت لحد ما توصل للسطرين دول:

#[multilib]

#Include = /etc/pacman.d/mirrorlist

هتشيل الشباك بحيث الشكل يبقي كده

[multilib]

Include = /etc/pacman.d/mirrorlist

بعد كده هتدوس Ctrl+O بعد كده دوس Enter وبعد كده دوس Ctrl+X عشان تخرج من نانو

بعد كده هنحدث النظام

sudo pacman -Syu (arch)

sudo dnf upgrade --refresh (fedora)

ثانيا: هنفعل الgamemode

sudo pacman -S gamemode (arch)

sudo dnf install gamemode (fedora)

ثالثا:هنثبت MangoHud لعرض الفريمات واستهلاك البروسيسور والكارت والرامات ودرجة الحرارة

sudo pacman -S mangohud goverlay (arch)

sudo dnf install mangohud goverlay (fedora)

رابعا: هنثبت الادوات الي احنا محتاجينها للجيمنج

1-Steam

sudo pacman -S steam (arch)

sudo dnf install steam (fedora)

2-Proton UP-QT

yay -S protonup-qt (arch)

flatpak install flathub net.davidotek.pupgui2 (fedora)

3- Faugus launcher

yay -S faugus-launcher (arch)

sudo dnf copr enable faugus/faugus-launcher (fedora)

sudo dnf install faugus-launcher

IMPORTANT NOTE لو انت مستخدم ارش او مشتقاته

yay ده aur helper عشان ينزل ويثبت الباكدجز من غير manual compile فا بيسهل الدنيا

لو مش موجود عندك ثبته (هو مش pre installed علي Cachy OS وvanilla arch فا هتحتاج تثبته لو بتستخدم كاشي او vanilla arch)

وديه طريقة التثبيت

1-

sudo pacman -S --needed base-devel git

2-

git clone https://aur.archlinux.org/yay.git

3-

cd yay

4-

makepkg -si

كده تقريبا خلصنا تثبيت الحاجات المهمة

بالنسبة ل Steam هتشغله وتسجل بحسابك عادي وهتدوس علي steam--->settings--->Compatibility

هcheck عليEnable Steam Play for all other titles هيطلب منك ترستر ستيم هترستر وهتفتح proton up qt وتدوس add version هتظهرلك نافذة اتاكد ان GE Proton هو ال Compatibility tool ودوس install هيحمل شوية ولما يخلص هتفتح Steam تاني وهتروح علي

steam--->settings--->Compatibility

وهتختار GE-Proton 10-29 (الي هو احدث حاجة في الوقت الي انا بكتب فيه البوست ده) وبس اي لعبة عندك علي steam هتشتغل

ملحوظة لو اللعبة مش بتفتح هتروح علي اعدادات اللعبة نفسها من ستيم وتدوس علي Compatibility وتعلم علي Force the use of a specific Steam Play compatibility tool وتختار ge proton الي نزلته وتشغل اللعبة

نروح بقا لEpic Games وازاي نشغل الالعاب عليه زي Rocket league مثلا

هتفتح faugus launcher وهتدوس علي علامة + بعد كده هتظهرلك نافذة Game/App هتختار Epic Games وهتختار GE Proton latest ودوس ok هينزل معاك ايبك عادي هتشغله وهتفتح حسابك وهتشغل اي لعبة عادي جدا ونفس الخطوات ديه مع اي لانشر تاني سواء ubisoft او ea

تعديل:

افضل لانشر لتشغيل روكيت ليج علي لينكس دلوقتي هو Heroic Launcher

لو علي ارش هتنزله من yay من خلال الكوماند ده:

yay -S heroic-games-launcher-bin

ولو انت علي فيدورا هتحمل الRPM package من جيتهاب

https://github.com/Heroic-Games-Launcher/HeroicGamesLauncher/releases

وهتسجل باكونت ايبك جيمز وتقدر تعمل verify files لو هي عندك

نروح بقا للكراك طبعا عشان تحمل كراك هتحتاج برنامج تورنت وانا برشح QBittorrent

هتنزله عن طريق الكوماند ديه

sudo pacman -S qbittorrent (arch)

sudo dnf install qbittorrent (fedora)

بعد كده هتحمل عادي جدا كأنك علي ويندوز وانصح ب متصفح brave

لو مش عندك انصح جدا انك تنزله

yay -S brave-bin (arch)

sudo dnf install dnf-plugins-core (fedora)

sudo dnf config-manager addrepo --from-repofile=https://brave-browser-rpm-release.s3.brave.com/brave-browser.repo

sudo dnf install brave-browser

وطبعا مننساش ديسكورد

sudo pacman -S discord (arch)

sudo dnf install discord (fedora)

انا في الكراك علي لينكس بنصح بDODI بسبب ان فيتجيرل ممكن يعمل مشاكل اثناء التثبيت

وعشان تثبت اللعبة هتروح علي Faugus launcher وهتدوس علي "+"بعد كده ---->windows game هتختار ملف التثبيت هيشتغل معاك وهتثبت اللعبة في اي مكان اهم حاجة يبقي EXT4 او BTRFS ولما التثبيت يخلص هتعدل مكان ملف تشغيل اللعبة يعني بدل ملف السيطب هتختار ملف تشغيل اللعبة نفسه وهتعمل SAVE وهتشغل اللعبة عادي جدا

طيب تمام دلوقتي عايزين نشغل العاب online fix

اول حاجة الالعاب ديه بتعتمد علي حاجة اسمها spacewar في steam ديه عبارة عن سوفتوير بيشغل الmulti player للالعاب المكركة (ده مش هدفها الاساسي بس ما علينا) المهم ان الفيكس بيحتاج space war عشان الاونلاين يشتغل طيب ازاي بقا نشغل الالعاب ديه؟ هقولك

اولا:هتثبت space war

هتفتح terminal وتحط الكود التالي:

steam steam://install/480

تعديل:

في لانشر مخصص لالعاب اونلاين فيكس كل الي هتحتاجه انك تحمل اللانشر ده وتبقي مشغل ستيم في الخلفية وبعد كده هتضيف ملف الexe للانشر ده

عشان تثبت اللانشر اكتب الكود ده تيرمنال

yay -S onlinefix-linux-launcher-bin (arch)

ولو انت علي اي ديسترو تانية غير ارش ومشتقاته تقدر تمشي مع الجايد المكتوب في جيتهاب اللانشر

https://github.com/ZzEdovec/onlinefix-linux

الطريقة ديه اسهل من طريقة ستيم فا غالبا مش هتحتاج الكلام الي جاي بس هسيبه بردو

ستيم هيفتح تلقائيا وهيطلب منك تثبت space war هتدوس install ولما التحميل يخلص هتضيف اللعبة as non steam game

من ستيم تحت عالشمال هتلاقي حاجة اسمها add game

add non steam game

وبفكرك انك تختار GE-Proton الي انت نزلته في الاول من اعدادات اللعبة ولو مشتغلش اختار بروتون العادي الي في ستيم نفسه لان ساعات ge proton مش بيشتغل مع العاب اونلاين فيكس

هتضيف اللعبة في مكتبة ستيم عندك بس هتيجي تشغلها مش هتفتح ليه لان لازم تحط launch arguments طب الlaunch arguments ديه ازاي اضيفها هقولك

كليك يمين علي اللعبة الي انت ضيفتها علي ستيم وهتدوس properties هتلاقي ال launch options هتحط الكود ده

WINEDLLOVERRIDES="OnlineFix64=n;winmm=n,b" %command%

او

WINEDLLOVERRIDES="OnlineFix64=n;SteamOverlay64=n;winmm=n,b;dnet=n;steam_api64=n;winhttp=n,b" %command%

وهتقفل النافذة وتشغل اللعبة وهتفتح عادي

طيب نيجي ل ماين كرافت اولا عشان تشغلها هتحتاج java runtime وبتنزلها عن طريق الكود ده:

sudo pacman -S jre-openjdk (arch)

sudo dnf install java-latest-openjdk (fedora)

انا دايما بنصح ب SK launcher هتعمل اكونت علي الموقع وهتخش في اعدادات الاكونت وتعمل يوزر وتقدر تحط skins وcapes وshaders واي حاجة انت عايزها

وهتنزل اللانشر .jar هيفتح معاك هتدوس offline account وهتكتب اليوزر ومبروك عليك

تقريبا كده انا كتبت اغلبية الحاجات المهمة للجيمنج علي لينكس لو نسيت حاجة اكتبلي في كومنت

ده بردو بوست مهم جداً لازم تشوفه

https://www.reddit.com/r/ArabUnix/comments/1rpu59v/


r/ArabUnix • • 2h ago

Question | سؤال سؤال بخصوص مدى واقعية خصوصية الأنظمة الحرة عمليا

7 Upvotes

تحية للجميع، أريد أن أسأل مادامت المعالجات المستعملة في الأجهزة الحوسبية العملية الحديثة أغلبها من intel و AMD

وكلتاهما لديهم أبواب خلفية في معالجاتهم ومقفلة من المصنع فما مدى واقعية التحكم والاستقلالية التي توفرها أنظمة التشغيل المستقلة مثل شتى توزيعات لينكس ؟


r/ArabUnix • • 3h ago

Project | مشروع Safbesic

1 Upvotes

لغة برمجيه بسيطه و بدائيه صممتها لكي تعمل على نظام التشغيل الخاص بي

لكن يوجد بها اخطاء عديده و انا هذه الفتره منشغل في تطوير النواه

هل هنالك احد يساعدني فيها ؟

safbesic

Besic=يعبر عن البساطه

Saf=يعبر عن المشروع الاساسي وهي النواه التي انا صممتها اسمها safera


r/ArabUnix • • 7h ago

Question | سؤال لاب رخيص

1 Upvotes

ايه ارخص لاي ممكن اجيبه مستعمل او جديد او اي حاجه ويكون يشغل لينكس وتولز واذاكر عليه كمان من غير ما يقرفني


r/ArabUnix • • 1d ago

Meme | ميم سويت ثيم sddm للمطرب يونس العبودي

32 Upvotes

r/ArabUnix • • 1d ago

Discussion | نقاش الافتتاحية

Thumbnail reddit.com
1 Upvotes

r/ArabUnix • • 1d ago

Rice | رز Xfce MXLINUX اول رز اعمله

9 Upvotes

رايكم

نصائح

اي شي

شكرا


r/ArabUnix • • 1d ago

Question | سؤال مفيش حد يا جماعة مهتم بتعلم kernal modules

6 Upvotes

انا لما كنت باخد مادة os في كلية عرفت الkernal modules و مش عارف ليه الموضوع واكل دماغي ونفسي القي حد يشجعني اتعلمه ، مفيش حد مهتم بيها يشجعني


r/ArabUnix • • 2d ago

Project | مشروع اتوقع هذا اغرب سيتب في الصب ذا

Post image
10 Upvotes

فيه gpu acceleration و اكسس كامل للاندرويد الاساسي من chroot

فريماتي في ماين ٦٦ على ٣٢ شنك


r/ArabUnix • • 2d ago

Question | سؤال هل في احد يعرف ليش فيدروا نسخة kde تاخذ ٢.٥جيجا من الرام عند التشغيل مقارنة ب توزيعات ثانية تستخدم كدي بس الاستهلاك اقل وهل في حل لذا ؟

4 Upvotes

.


r/ArabUnix • • 2d ago

Other | متنوع البطريق يسلم عليكم

Post image
12 Upvotes

r/ArabUnix • • 2d ago

Question | سؤال أفضل distro لتعلم ال cloud و ال networking

5 Upvotes

السلام عليكم,
أنا بتعلم دلوقتى cloud و networking, عندى تجربه مع ubuntu بس من على ال wsl يعنى خلفية بسيطه من ال commands و ال bash-scripting.
فكنت عاوز أعرف أنهى دسترو هيكون مناسب أكتر عشان أنزله على جهازى القديم بإذن الله تعالى.
محتار بين ubuntu و fedora, بس أغلب ال tutorials الى قابلتها كانت بتشرح على ubuntu.
مش عاوز حاجة معقدة عاوز حاجه تسهلى إنى أشتغل على RedHat عشان حسب معلوماتى إن أغلب الشركات شغاله بيه.
و لو حد يعرف إيه الموضيع الى المفروض أركز عليه عشان ال cloud ياريت يقولى بعد اذنكم جزاكم الله كل خير.


r/ArabUnix • • 3d ago

Discussion | نقاش ليه في ناس مش بتحب hyprland ؟

Post image
16 Upvotes

مقصدش مبيفضلوش اقصد انهم بيسبوه و بيقولوا لاي حد مينزلوش ؟ الناس دي شايفها في كل حته بس مش عارف في سبب ولا لا، انا بستخدم caelestia shell يقالي سنه و بكرهها جدا ولكن لإنها مليانه زباله و مش عارف اعدل عليها، كنت بفكر اغيرها بكونفج عادي جدا لهايبر لاند زي زمان من غير تعقيد بس ناس كتير اوي يكلت تنصح بيه زي زمان رغم انو كان في ذروته من سنه حرفيا،


r/ArabUnix • • 4d ago

Question | سؤال أعملكم سلسلة منشورات تعليمية؟

18 Upvotes

لو مهتمين أعملكم سلسلة منشورات كل يوم نشرح فيها شيء جديد في لينيكس ونحاول نشرح طريقة عمله من النواة إلى الشيل وأدواتها و حتى نظام الملفات...إلخ


r/ArabUnix • • 4d ago

Rice | رز رايس بسيط لـLabWC

Thumbnail
gallery
14 Upvotes

?/10

اول رايس لي حاولت خلية عملي وبسيط وما استخدم اشياء جاهزة قدر المستطاع


r/ArabUnix • • 4d ago

Discussion | نقاش مين يلي يستعمل NetBSD ? -- لازم نقهر مستخدمين ارتش (:

Post image
15 Upvotes

هذا مثال وهو WindowMaker (wmaker) ولو تريد wayland استعمل (wlmaker)
لذلك F***K AI-generated Code Kernel وتعال معي الى رحلة BSD !
تجرب ؟ أنصحك يكون على جهازك مثل 95s computers !

ماهو الجديد في NetBSD 11+ ? :

  • دعم معمارية RISC-V: أصبح بإمكان النظام العمل رسمياً على لوحات 64-bit RISC-V (مثل VisionFive 2 و StarFive JH71XX و STAR64 و QEMU). 
  • نواة MICROVM الفائقة للسرعة: نواة مخصصة للافتراضيات (Virtualization) على منصات x86/amd64 تدعم الإقلاع السريع (PVH boot و VirtIO MMIO)، وتسريع الإقلاع في حوالي 10 ميلي ثانية فقط على معالجات حديثة. 
  • توافقية POSIX و C23: تحسينات واسعة في مطابقة معايير POSIX.1-2024 ودعم معيار C23 الحديث في البرمجة. 
  • تحسين تشغيل برامج لينكس (compat_linux): دعم أفضل لاستدعاءات نظام لينكس ومكتبات مخففة (مثل مكتبات openSUSE عبر المستودعات) لتشغيل التطبيقات والبرمجيات الثنائية الخاصة بلينكس. 
  • دعم معالجات وأجهزة جديدة: دعم أولي لمعالجات Qualcomm Snapdragon X Elite/Plus، وتحديثات جديدة لتعريفات الرسوميات (Intel و AMD) وتحسينات أداء لـ X.Org Server على معمارية AArch64. 

r/ArabUnix • • 4d ago

Rice | رز تمن 7

Thumbnail
gallery
4 Upvotes

r/ArabUnix • • 4d ago

Project | مشروع Oxygen Media -- شات محلي في بيتك كموقع بسيط

4 Upvotes

قيموه وجربوه ولاتنسو النجمه (:
https://github.com/AstraVo1d/Oxygen-Project


r/ArabUnix • • 5d ago

Meme | ميم البطريق فخور فيي

Post image
33 Upvotes

r/ArabUnix • • 5d ago

Meme | ميم طب يوبي سوفت هتعمل ايه؟

Post image
56 Upvotes

r/ArabUnix • • 4d ago

Question | سؤال سؤال عن تنصيب لينكس منت

2 Upvotes
  1. هل ينفع تنصيب لينكس مع ويندوز اي نظامين تشغيل تختار أحدهما عن الاقلاع و هل هناك مشاكل في الأداء
  2. هل تستطيع تنصيب لينكس بدون فلاشة USB
  3. اذا كان لابد من الفلاشة فما هي الفلاشات الجيدة الغير رديئة (التي لا ينتها عمرها بعد التنصيب)
  4. حاسبتي توفر 3 تقسيمات للقرص الصلب (تقسيمة خاصة بنظام الويندوز و تقسيمة اركز فيها على بيانتي و تقسيمة شبه فارغة )
  5. كم أسعار الفلاشة في العراق أو بالدولار

r/ArabUnix • • 5d ago

Rice | رز نزل صورة للديسكتوب

Post image
52 Upvotes

رجعت على غنوم كالعادة


r/ArabUnix • • 5d ago

Project | مشروع سويت إضافة مفتوحة المصدر تشغل WireGuard و AmneziaWG داخل تليكرام فقط بدون روت وبدون VpnService

4 Upvotes

السلام عليكم، بدل الاعتماد على بروكسيات تيليجرام المجانية المؤقتة (الي تفصل وتفرض قنوات راعي) أو تشغيل VPN كامل على الجهاز يستهلك البطارية ويأثر على باقي التطبيقات، طورت إضافة مفتوحة المصدر (WireGuard Plus) تشغل WireGuard و AmneziaWG داخل تيليجرام فقط عبر Xposed/LSPatch (بروت وبدون روت) وبدون حجز VpnService للنظام.

تقدر تستخدم وياها ملف WireGuard مجاني ودائمي من ProtonVPN (شرحت خطواته كاملة بفيديو بالتعليقات)، ومضبوطة حتى تضل شغالة بالخلفية 24/7 بأقل استهلاك بطارية وسرعة اتصال عالية عند فتح التطبيق.

رابط الريبو وفيديوهات الشرح بالتعليقات لمن يحب يجربها أو يراجع الكود.

تحديث (v1.7.2): المشروع صار يدعم الآن نظام ويندوز (Windows 10/11 x64) إلى جانب إضافة LSPosed/LSPatch للأندرويد. نسخة الويندوز تشتغل بنفس المعمارية (wireguard-go و AmneziaWG 1.5 و gVisor في الـ userspace) عبر بروكسي SOCKS5 محلي لتيليجرام فقط (يدعم Telegram Desktop و Portable و AyuGram وغيرها) بدون كرت شبكة وهمي أو صلاحيات أدمن وبدون التأثير على باقي البرامج. وبعد ماكو حاجة تجيب ملف .conf وتخليه يدوياً، بضغطة زر وحدة ينشأ ملف من Cloudflare WARP ويشتغل كلشي تلقائياً.


r/ArabUnix • • 5d ago

Rice | رز Arch with gnome looks like Mac

9 Upvotes

r/ArabUnix • • 5d ago

Question | سؤال تطوير نظام تشغيل

11 Upvotes

بإعتبار أنني جديد في عالم البرمجة أو التقنية عامة كما أنني طالب سنة اولى ، هل فكرة أن أجعل لي هدف ألا و هو تطوير نظام تشغيل مصغر مبني على لينكس بحيث أتعلم لغة C و لينكس لأنني مهتم بكلاهما، فكرة جيدة؟؟

طبعا وفق خطة و ترتيب لمراحل التعلم، ما رأيكم !!