r/EgyStudents • • Jul 07 '26

عملنا سيرفر Discord

6 Upvotes

https://discord.gg/Rh2V9VkET9

https://discord.gg/Rh2V9VkET9

ممكن تذاكر مع الناس او تعمل روم او تسال أسئلة او تصيح او تعمل اللي نفسك فيه المهم تدخل

https://discord.gg/Rh2V9VkET9

https://discord.gg/Rh2V9VkET9


r/EgyStudents • • Jul 11 '26

انا بحب مجتمعنا دا اوي ولكن

Post image
124 Upvotes

ولكن فيه فئة انا بكرهها فشخ وهي العيال الاتنشن الي جاية من جروبات محمد صلاح (الي هو مدرس محترم ولكن مجتمعه بحسهم متأخرين ذهنيا)

بسميهم لحظة ادراك او اي اسم كرينج بضان فشخ كدا

وهدفهم انهم يلمو لايكات او يحصلو علي اتنشن او اهتمام زي ما بيحصل علي جروبات الفيسبو

الي هو كام واحد هنا يتفق انه بيحب الجبنة الكيري

عدد الي هيصلوا عالنبي والي مش هيعمل لايك كافر

فاهمين قصدي صح؟

نزلو الي تعوزوه ولكن سامحوني لو مسحت كام حاجة ملهاش لازمة لو حسيتها شبه جروبات الفيسبوك كدا لاني عايز احافظ علي جودة الميمز الفشيخة الي هنا والنقاشات بصراحة وتفضل كدا دايما

والله انتو دفعة رايقة بتمنالكو كل خير ان شاء الله وتعملو الي تبقو ف احسن حال فيه

مانجا معاكم


r/EgyStudents • • 2h ago

Rant - صياح المُدرسة الي كانت بتضرب البنت في الفيديو إمبارح طلعت نفسها هي الي كانت بتضرب الولد الصغير !

Thumbnail
gallery
18 Upvotes

من يومين أنتشر فيديو لمُدرسة و هي بتضرب طالبة عندها في درس خصوصي بعنف وسط صرخات و توسولات الطالبة ليها و بعديها ظهر فيديو و هي بتضرب طالبة تانية ، أتضح أن المعلمة الي ظهرت في مقطعي الفيديو هي نفسها المُعلمة الي كانت بتضرب الولد الصغير في الفيديو الي أنتشر الشهر الي فات و كان أتقبض عليها بسببه و أبوه كان سامحها و رفض يتهمها، الصادم بقي هو أنه واحدة من البنات الدول (البنت الي ظهرت في الفيديو التاني) تبقي أخت الولد الكبيرة الي المُدرسة كانت بتخليها تصورها و هي بتضربه و أبوها مرداش يتهمها المرة ديه برده أما بالنسبة للبنت الأولي أبوها قال أنه مكنش يعرف بالواقعة أصلآ و أتهمها بالإعتداء علي بنته و تصويرها و هيتم محاسبتها قانونيآ.


r/EgyStudents • • 7h ago

Thanawya - ثانوية عامة لو عاوز تلم المتراكم ....

Post image
15 Upvotes

انا نزلت البوست ده امبارح وكذا حد سألني عملتها ازاي وكده فا حبيت زي ما انا استفدت من الصب ده كتير افيدكم معايا بصوا يا جماعه لازم كل واحد يحدد ايه اللي بيخليه مش قادر او بيشتته ويحاول يعالجه لازم تكون عارف ان عمرها ما كانت بعدد ساعات اهم انت انجزت ايه وخلصته يمكن فيه ايام ذاكرت عدد ساعات اقل بس الانجاز كان اكبر فا لازم قبل ما تبدأ تحدد انت عاوز تخلص ايه بالظبط بس اهداف واقعيه متحطش انك عاوز تخلص تلت محاضرات طويله في يوم ده مش طبيعي يعني

طيب لو حد سأل هو انا كنت مخطط اعمل كده بصراحه لا الفكره اني بدأت بدري بسبب ان عندي درس اتلغي فا بدأت بدري حاجه تانيه وهي ان الوقت ده شامل مشاهده المحاضره نفسها يعني فيه ٣ ساعات محاضره خالد صقر وساعه ونص محاضره عبد المعبود مشاهده بس غير كده دي مذاكره بس

لازم تحط لنفسك حافز انا شخص مشكلتي الاستمراريه انا راكمت مرتين قبل كده ولميت ودي التالته كل فتره يحصل معايا دروب فجأه يخليني اراكم فا حطيت لنفسي حافز اني اخلص المتراكم قبل شهر ١٢ وده ليه عشان انا باخد درسين سنتر واونلاين في كل المواد عدا الانجليزي سنتر بس وشبه مجبر علي ده من الاهل وحاسس ان ده ضاغطني ودرس الكيمياء والاحياء السنتر مش بيضيفوا جديد عن الاونلاين وحاسس انهم بيضيعولي وقتي بشكل كبير فا عاوز اخلص المتراكم عشان اقدر اسيب درسين السنتر دول وانا مطمن وده اللي محفزني اوي اخلص

متنساش تجيب ورقه وحط عليها اللي انت مراكمه بالكامل عشان تعرف تستوعب انت عليك ايه بالظبط ودي هتكون للمدي البعيد وورقه تانيه انت عاوز تخلص ايه بس تكون اهداف واقعيه اهم حاجه

التطبيق ده اسمه YPT وادعولي اقدر اخلص قبل نهايه الشهر


r/EgyStudents • • 4h ago

فقدت الشغف

Post image
6 Upvotes

r/EgyStudents • • 1h ago

قصه الانجليزي ٣ ثانوي

3 Upvotes

انا بفكر محفظش القصة غير اخر شهور في ثانوية عامة علشان كدا كدا بتتنسي بسرعه وانا مش هراجع عليها كل شوية انا هسمع الشرح بس مش هفحظ فا ايه رايكم


r/EgyStudents • • 2h ago

Thanawya - ثانوية عامة الحصص الطويله

3 Upvotes

دلوقتي انا باخد مع مدرس حصصه طويله جدا جدا يعني ك total بالواجب و الكلاس شيت

كله 15 ساعه

الفكره اني راكمتله ٣ محاضرات ف الدنيا اتبهدلت خالص و عندي احساس ان صعب المهم و الفكره ان في شابتر 2 اول درس مثلا و تاني درس يعتبر معظمهم حفظ و لكن هو شرحهم في وقت طويل جدا بتاع ٩ ساعات و لما خلصتهم خلصت معاهم مكنش عندي طاقه للحفظ و محستش ان تكراره للكلام حفظني ولا حاجه بالعكس حسيته مش محتاج يشرحه ف كل ده اصلا ف عموما اخلص الشابتر ده و اشوف حد وقته اقل ولا اكمل ولا اعمل ايه


r/EgyStudents • • 8h ago

College - كلية تيجو نذاكر مع بعض

Post image
8 Upvotes

السلام عليكم ، كنت عاوز اعمل سيرفر مذاكرة بس مش زي اي سيرفر وبدون زحمة بوتات بس هيكون فيه الحاجات الاساسية بدون تشتيت على الفاضي و برضو بدون ما اي حد يمارس عليك السلطة و حوار الرولات دا احنا مش داخلين منافسة احنا داخلين نذاكر ، لو لقيت طلب على الفكرة هعمل السيرفر ونذاكر سوا عشان كدا كدا الفاينل داخل يعني ، ايه رأيكم


r/EgyStudents • • 1d ago

Shitpost - شت بوست احكيلكم موقف لسة حاصل من كام يوم في مدرسة إعدادية جمبنا

Post image
112 Upvotes

يوم عادي في مدرسة اعدادية مشتركة عادية جدا

راح مدرس العاب صاحب والدي يفتش شنط الطلاب ناحية البنين علي اساس إنه هيلاقي ڤيب أو سجاير و الحاجات اللي شبه كدا

راح لفصول اولى اعدادي و بدأ يفتش،

و إذ فجأة يحط أيده في شنطة يطلع فردة روسي فيها ذخيرة حية. مسدس يعمله اكتر من 20k.

و الدنيا قامت ما قعدت

و بسكدا معنديش معلومات اخرى بس حبيت اشارك العبث

(أيوة احنا صعايدة لول)


r/EgyStudents • • 7h ago

Advice - نصيحة حياتي اتهانت بسبب الاباحية والعادة

5 Upvotes

وانا مش بفضح نفسي علشان مستحيل حد يعرف هويتي الحقيقة

....

انا شخص كنت كويس جدا في دراستي ومهتم بنفسي ولبسي،

لحد لما دخلت الكلية وادمان السكس بقي رهيب لدرجة اني بعملها اكتر من 5 مرات يوميا...

سقطت في دراستي بسبب الادمان، ومبقتش مهتم بشكلي ولا جسمي لحد ما بقيت إنسان لا حول له ولا قوة

بقيت حاسس اني مستحيل ابطل سكس ولا عادة سرية..

ناهيك اني طبعا علاقاتي الاجتماعية صفر وشكلي زي الخرا

فانا بكتب البوست واتمني من الله اني اغير حياتي.. ولو فيه حد زيي او كان زيي واتغير للاحسن ياريت يقولي ازاي


r/EgyStudents • • 3h ago

مش عارفه

2 Upvotes

أنا عايزة أعرف هل أنا ماشية كويس ولا لأ دلوقتي، أنا متراكمة عليا تقريبًا 10 محاضرات باخد كل المواد أونلاين غير العربي والماث بنزل لهم أوفلاين ومتراكم عليا 6 محاضرات ماث والأربعة الباقيين كيمياء وفيزياء، أما العربي فمش متراكم عليا فيه حاجة غير إني مخلصة أكتر من نص منهج النحو، المشكلة إني ممكن أصحى الساعة 10 الصبح وأذاكر لحد الساعة 2 وبعدها أحس إني مش قادرة أكمل فباخد باقي اليوم بريك، يعني مثلًا النهارده الأربع ساعات دول ذاكرت فيهم محاضرة فيزياء ونص الواجب بتاعها الشغف عندي معدوم وحاسة إني مقصرة مع إن في أولى وتانية ثانوي كنت بذاكر أحسن من دلوقتي بكتير كل الناس بتقولي إن دماغي عالية وإن أنا شاطرة بس أنا عارفة نفسي ولو شديت حيلي هجيب مجموع كويس وأنا واثقة من قدراتي بس المشكلة كلها في قلة الشغف، والحاجة الوحيدة اللي بتأنب ضميري إن أمي وأبويا بيعملولي كل حاجة ومش مقصرين معايا في أي حاجة وبيوفرولي كل اللي محتاجاه ومع ذلك أنا مش بيفرق معايا حاجة ومش حاسة بالمسؤولية الكفاية ولا حتى نفسيتي ليها شغل بالموضوع ده أنا مش حاسة إن في حاجة بتمنعني غير إني مش بضغط على نفسي ولاحظت السنة اللي فاتت إني بشتغل جامد جدًا تحت الضغط وممكن أراجع المنهج كله عادي طالما أنا مضغوطة، لكن طول ما في وقت قدامي بحس إني ليه أتعب نفسي من دلوقتي حاولت أتفرج على فيديوهات الشغف والتحفيزو الشغل دا كان بيأثر فيا بس مفيش حاجة نفسي أدخل هندسة وشايفة نفسي فيها فعلًا بس لما بشوف غيري شادين نفسهم في المذاكرة ومش متراكم عليهم حاجه بحس إني متأخرة ومقصرة


r/EgyStudents • • 0m ago

Thanawya - ثانوية عامة دحيحة قلبي في الphysics خدوا فيا ثواب

1 Upvotes

انا باخد حاليا مع احمد سمير و الكتب الخارجيه و الدنيا زي الفل و تمام بس في شوية تفاصيل مش مطمأن ليها زي انه احمد سمير نفسه مش بعرف اثق فيه و طرقه و بينزل حاليا حصص قديمه فا مش ماشي معانا بالظبط على الافكار الجديده و حوار المقالي و كده و ساعات بيكرر افكار و اسئلة،الكلام ده يعني،فا عايز اعرف مين حد تاني اونلاين physics يبقى كويس تقدروا تفيدوني بيه جمب احمد سمير

انا عايز حد يكون بيحل افكار مختلفه و متنوعه كتير،حصصه مش طويله اوي،مستواه صعب او محتاج على الاقل حد كويس في الفيزيا و شرحه مفصل و حتى لو معقد او مبهم شويه مش مشكله

جربت تامر القاضي طلع بصموج و كارثي و جربت رعيه مكانش وحش بس مأضافش شئ احمد سمير معملوش


r/EgyStudents • • 13h ago

ابعدو عن القمار

9 Upvotes

من موظف حكومة ومعاه شقه وعربيتين وفلوس ، لواحد اتفصل من الوظيفه وباع كل حاجه وجاب قرض ، لواحد بيستلف 50 جنيه يعرف يفطر بيها

اقسم بالله العظيم الكلام ده حقيقي حرفيا ومعايا شخصيا


r/EgyStudents • • 1h ago

العربي

1 Upvotes

اعمل ايه في العربي يا جماعه يعني غير اني مراكم فيها تلت حصص انا مهما اذاكر الشرح مش بعرف احل عدل خالص ايه احسن طريقه اذاكر بيها في العربي؟


r/EgyStudents • • 2h ago

اللي ملوش خير فأخوه ملوش خير ف حد

1 Upvotes

بحب محاضرات احمد عادي بس بحسني حلتيته فالتعامل مع الحياه بعد المحاضره و ان دماغي قفلت خالص و بلس الوقت طويلللل اوييي مش عارفه هلحق الم المتراكم امته بالوقت ده كله


r/EgyStudents • • 5h ago

هل في ناس جابو مجموع وهما بيدخنو

2 Upvotes

انا بشرب بقالي سنتين بس السنه دي اللي هي تالته ثانوي حاسس ان المفروض ابطلها لما ببطلها كام يوم مش بعرف اركز او اذاكر بس لما برجع اشرب بلاقي نفسي بذاكر وبنجز وبعمل كل حاجه عحساب صحتي و فلوسي


r/EgyStudents • • 10h ago

Thanawya - ثانوية عامة مراكم 20 محاضره فيزياء

4 Upvotes

انا عاوز اعرف اذا كان فيه طريقه اقدر الم بيها العدد ده من المحاضرات مع عبد المعبود وكمان انا مراكم فوقيها 9 محاضرات عربي و5 ستاتيكا و4 كيمياء الباب التالت

وياريت محدش يتريق مش ناقصه 🙂


r/EgyStudents • • 2h ago

مطلوب ستادي بارنتر

1 Upvotes

r/EgyStudents • • 3h ago

تانية بكالوريا

1 Upvotes

يجدعان انا مراكم حبة حلوين عاوز اعرف احنا المفروض وصلنا لفين من ناحية العربي والتاريخ والاانا حاليا مخلص يونت 1 انجيزي المفروض اكون فين دلوقتي


r/EgyStudents • • 11h ago

Thanawya - ثانوية عامة احييه الآله مش عارفه تحل

Post image
4 Upvotes

الآله عندي كانت بتاخد وقت علي بال ما تحل وقلت عادي اما مش عارفه تحل احا

اللي عنده نفس الآله يكتب كدا المعادله وبعدين Shift Solve ويشوف عشان الآله بتاعتي اصليه مش مضروبه وجديده كمان


r/EgyStudents • • 3h ago

Question - سؤال بفكر ماخدش درس في التاريخ واذاكره مع نفسي

1 Upvotes

انا تانيه بكالوريا وباخد مع احمد عادل الحصص بتبقي طويله اوي الدرس الواحد بيدخل في 4ساعات شرح غير حل الواجب والتقيمات وفي نفس الوقت هو بينزل ملخص لكل درس لوحده علي اليوتيوب وبيبقي حلو جدا ولامم كل المعلومات فا بفكر مكملش واذاكره مع نفسي اسمع الملخص واذاكر


r/EgyStudents • • 20h ago

Thanawya - ثانوية عامة مبسوط بالانجاز ده

Post image
20 Upvotes

أحسن يوم من بدايه ثانويه عامه واول مره اوصل لعدد الساعات دي ومش عدد ساعات بس بل خلصت كم كبير !

خلصت فيهم واجب الجوهري الاقتران والمذاكره واتفرجت علي محاضره خالد صقر اللي هي ٣ ساعات وزاكرتها وحليت واجبها كامل وشوفت محاضره عبد المعبود للملف الدائري في ساعه ونص

فخور جدا من نفسي واتمني اقدر اكرر الانتاجيه دي خلال الفتره الجايه + انا بحسب وقت المحاضره ضمن وقت المذاكره وللي عاوز التطبيق اسمه YPT

(انا حاسس ان دماغي منمله كده وكأن خلايا مخي بتتلاشي 😅)


r/EgyStudents • • 9h ago

Thanawya - ثانوية عامة انا مراكم كتير ازاي اذاكر

2 Upvotes

انا علمي رياضه


r/EgyStudents • • 5h ago

Thanawya - ثانوية عامة ابدا ازاي

1 Upvotes

انا تالته ثانوي ولسه مبداتش خالص في امل لو بدات اني الحق طب ولا خلاص وبتكلم بجد والله


r/EgyStudents • • 6h ago

الناس اللي اشتغلت كول سنتر هل اقدر اشتغلها مع الدراسة؟

1 Upvotes

أنا في تجارة بس عندنا اسبوع الميدترم دا بنزل كل يوم امتحان ميدترم وممكن يبقى فيه كويزات اوفلاين انزل امتحنها في الكلية دا غير الفاينل كمان وجدولي في الكلية بتاع الحضور يومين في الأسبوع

هل اقدر اشتغل كول سنتر انجلش مع الكلية؟

وازاي هل بيدوني اجازات مثلا وهكذا ولا