r/EgyptHairStyle • • 21d ago

Welcome to r/EgyptHairStyle!

1 Upvotes

Welcome to r/EgyptHairStyle

23019 subscribers / 25k subscribers. Help us reach our goal!

Visit this post on Shreddit to enjoy interactive features.


r/EgyptHairStyle • • Jun 16 '25

Mod Post / منشور اداري مش هيكون في اي تهاون مع اي حد بيحاول يخلي الكوميونتي اي حاجه غير صحي للجميع

17 Upvotes

مش هيكون بجد في اي تسامح او تهاون مع الفئة اللي بتحب تعيث فساد ف كل مكان اي تعليق سلبي او منشور مخالف لقواعد ومبادئ الاحترام ومنافي لقواعد الكوميونتي وقواعد الادب العامة هيتحذف وصاحبه هيتبند بشكل دائم

انت كمان بتساعدنا نحافظ علي المجتمع ده نضيف اي حاجه تشوفها مش عجباك حس ب اريحية انك تعملها ريبورت المودز اكتيڤ والصب موديد بشكل قوي


r/EgyptHairStyle • • 2h ago

🛁 روتين العناية | Hair Care Routine شعري طالع دينه..

Post image
3 Upvotes

أعمل إيه يشباب عشان شعري طالع دين امه بصراحة ومطلع ديني انا كمان.. ومليان قشرة.. هل في حل؟.. أنا مش بحب أهتم بشعري بصراحة لانه بيتعبني جداً وعايز بس يكون ناعم شوية عشان لما أسيبه مبقاش عامل زي رجل الكهف.. عايزه يكون عادي وأحلق مرة في السنة او كل سنتين عشان حرام يعني أروح كل اسبوعين أحلق بـ 100ج 🤨💔.. شعري مش باين أوي لكن أظن إن عندكم الخبرة الكافية للتشخيص..


r/EgyptHairStyle • • 6h ago

✂️ حلاقة وستايل | Haircut & Style اعمل ايه

Thumbnail
gallery
4 Upvotes

بقالي 3 سنين بطول شعري 3c/4a مسامية منخفضة كنت بكره الحلاقين و مش بثق فيهم بس شايف انه ممكن يكون احسن

هو حرفيا متساوي من كل الزوايا الا اللي قدام و التاج قصرتهم انا

كنت في السعودية كان 4a و دايما مظبوط بس بعد ما رجعت بدا يبقى 3c مع frizz مع تغير الجو و الميا بسبيبه معظم الوقت زي الصور او ارفع المقدمة بطوق مع الجيم

ايه المنتجات اللي ممكن استخدمها و نصايح او اني اتهور و اقصر مع نفسي او حلاق


r/EgyptHairStyle • • 1h ago

✂️ حلاقة وستايل | Haircut & Style ده شعري و محتار في الحلاقة و الترطيب

Thumbnail
gallery
1 Upvotes

ده شعري بنسبة كبييرة جدا بناءا على صور حقيقية، المهم محتاج مساعدتكم الاقي حلاقة مناسبة لنوع الشعر و شكل وشي بارز شوية من ناحية الذقن و الفك و الانف شوية، فهو اقترح عليا الصورة التانية، و انا طلبي حلاقة بسيطة لاني بخرج كتير سواء جامعة او شغل فا مش عاوزه يكون حمل في العناية به

و كمان من ناحية عاوز مرطب كويس لان اللي في الصور ده شكله وهو مبلول فا انا عاوزه يفضل كده، عشان لما بينشف بيبقى مش لطيف و هايش شوية

و كمان محتار ابطل تدريج ولا لا، لاني عاوز الصراحة اربيه اكتر و يطول و كده و لكن محتار لاني كده هضطر اعتني اكتر و ده مستبعد حاليا بسبب انشغالي

و كمان عاوزها تناسب طولي لاني طويل شوية و رفيع

اسف ع الاطالة و شكرا مقدما


r/EgyptHairStyle • • 5h ago

✂️ حلاقة وستايل | Haircut & Style تقييم لسا حالق

Post image
2 Upvotes

r/EgyptHairStyle • • 3h ago

💇‍♀️ تسريحات الشعر | Hairstyles Rate my hair

Post image
1 Upvotes

r/EgyptHairStyle • • 19h ago

💇‍♀️ تسريحات الشعر | Hairstyles تقييم يا محترمين

Post image
12 Upvotes

r/EgyptHairStyle • • 23h ago

💇‍♀️ تسريحات الشعر | Hairstyles Rate my hair

Thumbnail
gallery
17 Upvotes

r/EgyptHairStyle • • 8h ago

🤔 استفسار | Question شعري type 2 ولا 3؟

Thumbnail
gallery
1 Upvotes

ده كده وهو من غير ما احط عليه أي حاجة خالص. لكن مجرد ما بدخل في الشاور وينزل عليه مية بيعمل waves ع طول. فانا مش عارف هل كده ممكن يكون له علاقة بجفاف ولا ايه.

انا معنديش روتين شعر معين بعمله يعني، عشان عندي مشكلة بالقشرة بغسل شعري بشامبو clear مرتين او ٣ في الأسبوع ولسه بقالي اسبوعين بس بستخدم Hair mask بتاع Alejon. بحطه مرة كل أسبوع. مش عارف الصراحة ايه الحاجات التانية الممكن اعملها. و كstyling غالبا بستخدم كريم كنت لقيته من اعلان فيسبوك من شركة اسمها Hairdaily. كنت الاول بستخدم sea salt مع clay بس حسيت انه بيجفف شعري اوي


r/EgyptHairStyle • • 9h ago

🚀 نصيحة عن الشراء | Buying Advice محتاج حمام كريم يكون حلو حتي لو غالي

1 Upvotes

عندي صلع وراثي و شعري بيقع محتاج حمام كريم يكون حلو و بيرطب الشعر و مش بيلزقه في بعض

حتي لو غالي معرفش اسعارهم ايه بس محتاج عشان شعري نشف و اتقصف


r/EgyptHairStyle • • 18h ago

🚀 نصيحة عن الشراء | Buying Advice حد جرب الجيل دا؟

Post image
3 Upvotes

محتاج جيل يكون ريحتة خفيفة مش بضان زي باقي الانواع ومش لاقي فياريت لو حد جربة يقولي ريحتة خفيفة وحلوة ولا بتقلب البطن وياريت لو تعرفوا انواع ميكونش ليها ريحة نفاذة قولولي وشكرا


r/EgyptHairStyle • • 17h ago

🤔 استفسار | Question هيلب يجماعة

2 Upvotes

الناس الي فروة راسها دهنية وشعرها جاف المفروض أستخدم شامبو ايه عشان ينضف الفروة كويس من غير ما يجفف شعري أكتر


r/EgyptHairStyle • • 20h ago

🔥 ستايل جديد | New Look نزلت صورتي امبارح وقولت اغير الاستايل وحاسس اني ندمت اكتر🥲

Thumbnail
gallery
3 Upvotes

ععععععععع


r/EgyptHairStyle • • 14h ago

🤔 استفسار | Question Leave in creme and sprays مساعده بليز

1 Upvotes

مساء الخير
دلوقتي بخصوص الليف ان عايزه اعرف ازاي استخدمه لاني حاسه ان استخدامي هو اللي غلط

سريعا
شعري جاف ، وحاليا بستخدم شامبو طبي ضد القشره مره في الاسبوع وباقي الاسبوع شامبو اطفال، وبعدها بحط ماسك ٤-٥ دقايق ويتغسل ، وبعدها سبراي ضد الحراره وبسسوره فقط ، منعت المكواه من سنه تقريبا

دلوقتي جبت فوق ٥ انواع ليف ان سبراي او كريم
بيلزق في الشعر بطريقه مقققرفه وكمان بالرغم بيكتوب عليه ضد الحراره ، ارش شويه اجي اسشور شعري الاقيه مسك في بعضه بطريقه لا تطاق .

فيه حاجه غلط بعملها مش فاهمه ايه هي.


r/EgyptHairStyle • • 1d ago

💇‍♀️ تسريحات الشعر | Hairstyles ايه رايكو في شعري

Thumbnail
gallery
6 Upvotes

r/EgyptHairStyle • • 19h ago

🤔 استفسار | Question بالله يجدعان طمنوني عشان نفسيتي بقت في الأرض اسف على الإطالة

2 Upvotes

حاليا أنا شعري خشن فور أا المهم بغلسو بشامبو وبلسم كل أسبوع فبلاقي شعري بيقع منو كتير فكنت بسال ع النت وكده كنت الي بلاقيه أن بيقع في اليوم ميه وطبيعي بيتجمعو في شعرك وبيقع الاسبوع كلو وبتاع فكنت بطنش حاليا نزلت احلق الراجل بيقولي شعرك بيطلع في ايدي بيقع جامد فهمتو إني بحثت وتقالي أن بيقع في اليوم ميه وبتاع قالي أنا بغسل شعري ف الاسبوع مرتين مش بيقع عشره علي بعض و أنا جبهتي كبيره والسبعه عندي ظهره بس شعري طويل فكان مداري فعشان يوريني رفع فروه شعري لقيت السبعه ظاهره جامد وبيقولي داخله لجوا ومكنتش عارف اميز هي طبيعتها كده ولا فعلت رجعت حرفيا حسسني إني في خطر جامد طالع من عندو مش عارف اعمل أي فكنت عايز أعرف يخواتي الي أنا فيه ده طبيعي

كل ما اغسل شعري بيقع شويه حلوين وساعات وأنا بلعب في شعري بلاقي شعر طلع في ايدي اجي العب في نفس المنطقه تاني الاقيه مافيش حاجه طلعت فعايز اعرف ازاي اقدر اميز اذا كان شعري بيقع ولا ده طبيعي ضروري بالله عليكم


r/EgyptHairStyle • • 1d ago

🚀 نصيحة عن الشراء | Buying Advice عندي تساقط و شعري هايش

Thumbnail
gallery
2 Upvotes

انا عندي صلع وراثي و شعري خفيف و بستخدم مينوكسيديل و فيناستيرايد و شامبو فيه كيتومانزول (شامبو نازورال)

شعري هايش و جاف جدا و عمره ما كان كدا مش عارف استخدم كريم ايه بعد الغسيل عايز حاجه متخليش الشعر ملزق ولا هايش عشان شعري خفيف و اعرف اعمله ستايلينج لقيت كذا حد مرشح دول رأيكم ايه


r/EgyptHairStyle • • 1d ago

🤔 استفسار | Question أنا خايف اقرع

Post image
8 Upvotes

اول مرة اربط شعري وأطوله للدرجة دي وبلاحظ ان فيه شعر كتيير فشخ بيقع وانا بغسله
مع العلم مش بستخدم شامبو يغسلوا بحمام كريم
المفرض اعمل ايه


r/EgyptHairStyle • • 1d ago

🤔 استفسار | Question انا زهقت

Thumbnail
gallery
24 Upvotes

زهقت من شعري ابقي مسرحه زي ما انا عاوز يبقي في الطريق حاجه تانيه بسرعه رهيبه جبتله حاجات كتير عشان يحافظ علي ترطيبه لكن بيحصله زي في الصوره التانيه واسوء بكتير

انا حرفيا نفسي الاقي حاجه هير ستايلنج تحافظ علي شعري زي ما رحت زي ما جيت

اللي عنده حل عن تجربه ياريت يفيدني


r/EgyptHairStyle • • 1d ago

🏷 تجربة منتج | Product Review تقييم لل hair masks ال جربتها الصيف ده

Thumbnail
gallery
12 Upvotes

سيروبايب قوامه متوسط و بحسه بيرطب حلو بس لمدة يومين بالكتير و لو حد شعره كيرلي مش حاسه هيكون كفاية7/10

فايڤلن ريحته تحفة بسكدا، ترطيبه بيطير اول ما بنشف شعري وريحته الحلوة بتروح بعد كام ساعة3/10

ديكسوچين انتينس تحفةةة هو تقيل سنه ثغنونه بس بيرطب حلو اوي اوي وريحته حلوة كمان بس لو الشعر خصلته خفيفه ممكن يوقعه ف يستحسن يتخفف ب كونديشنر خفيف مثلاً ك احتياط بس هينفع مع اي نوع شعر وبيخلي الشعر مترطب بال اربع ايام ولامع ومش هايش9/10

ڤاتيكا ال بالتوم او الحبه السودة الاتنين تحفة وبيرطبوا باليومين والتلاته وقوامهم متوسط ف دي ميزه عشان ميسببش تساقط وريحتهم حلوة كمان9/10

الوايڤا ال ببروتينات الزبادي ترطيبه ضعيف بس يمشي حاله 5/10

بوبانا عندها 3هير ماسك ال3 حلوين وكل واحد مناسب لنوع شعر بس مش تقيلين اوڤر وبيرطبوا حلو اوي بصراحة7/10

بريمير تحفة بيرطب حلو اوي وريحته حلوة وبيسيب لمعه فالشعر وبيساعد ف الهيشان ومش تقيل10/10

هيربال سينسيشن لطيف جربت ال لونه بيك، اصفر واسود حسيت مفيش فرق بصراحة بس بيرطبوا كويس وبيسيبوا لمعة لطيف ومش تقيلين على خصلة الشعر8/10

كابكسي لا بيرطب ولا بيعمل حاجة جبته ومخلصتهوش حتى2/10

ايڤا بالكرياتين بستخدمه لو هستخدم حرارة غير كدا لا، بستخدمه قبل الهيت ف hair wash routine وبعد الهيت لما بغسل شعري وحقيقي تحفههه اوي وخليت ناس من ال اعرفهم ال بيستخدموا الهيت كتير يجربوه وفرق معاهم اوي10/10

كلاري لطيف بيرطب يومين ومش بيخلي الشعر يهيش وبيدي لمعة عسولة ومش تقيل على الشعر8/10

تيرسوس كاني حاطه سمنه ف شعري من كتر ما هو كان تقيل معايا بس لو حد شعره محتاج ترطيب بزيادة ممكن يجرب يخففه ب اي حاجة وهيكون كويس5/10

ذاباثلاند لطيف ك ترطيب بس معنديش خلفية هل بيعالج الشعر ولا لا فعلاً بس كان نص نص ف الهيشان 7/10

الوايڤا ال بالارجان تحفة بيرطب حلو اوي اوي وبحسه بيغلف الشعراية10/10


r/EgyptHairStyle • • 1d ago

🛁 روتين العناية | Hair Care Routine عايز احسن كريم يرطب الشعر

2 Upvotes

عايز احسن كريم يرطب الشعر

عايز كريم حلو يرطب شعري طول اليوم وانا بره انا شعري ناعم وطويل الي حدا بس بيبقي هايش كتير الا لو جيه عليا ميه عايز كريم حلو وبلاش حاجات الحلاقين البضان الي بتفشخ الشعر وقشرة عايز حاجه طبيه عشان بسمع كتير بس محتار الي هي الكريمات علبتها بشكل طولي او مستطيل وبلاش سعر غالي اوفر يعني رينج ٣٠٠_٤٠٠ بكتير اوي ولو هننزل اشطا بس يكون عن تجربة .


r/EgyptHairStyle • • 1d ago

💭 مناقشة عامة | General Discussion حياتي بتدمر

1 Upvotes

انا لي سنة تقريبا بدون اي تقدم

لا كورسات، لا تعلم لغة جديدة ،لا تقدم في مجالي، لا رياضة ولا أي شيء

كل يومي إما نوم وإما سوشيال ميديا

مع اني كنت مجتهد وشاطر وعندي أحلام(وما زالت موجودة) بس ما عارف شنو الحصل لي

في ايه يا عالم، دا أنا وحدي ولا كل الشباب ولا إيه، دا أنا بقيت كاره نفسي وحياتي.

بالمناسبة علاقتي بالعبادات مستمرة ولله الحمد


r/EgyptHairStyle • • 1d ago

🛁 روتين العناية | Hair Care Routine في فراغات في مقدمة الشعر لحد الكراون وغالبا بسبب دا اي البديل واعالج الفراغات ازاي

Post image
1 Upvotes

r/EgyptHairStyle • • 2d ago

🤔 استفسار | Question شعري وايفي جاف وهايش جدا بفكر اشتري التلاتة دول هل هم مناسبين؟

Post image
3 Upvotes