r/qatif • u/Greedy-Scarcity-8373 • 2d ago
Media | مرئيات appreciation post for my beloved tarout island
من بعد يحس جزيرة تاروت حبيبة قلبه وانتماء ووفاء وولاء مو طبيعي لكلشي فيها
r/qatif • u/Greedy-Scarcity-8373 • 2d ago
من بعد يحس جزيرة تاروت حبيبة قلبه وانتماء ووفاء وولاء مو طبيعي لكلشي فيها
r/qatif • u/Fringles666 • 4d ago
أحب طلعتي مع أهلي تكون فيها خصوصية وما نكون مكشوفين الى الرايح والجاي وملاحظ للأسف إن هذا الشيء قاعد ينحسر
حالياً المطاعم اللي ببالي كالتالي:
- التنور (مزايا المجيدية - للأسف فرع القلعة قفل وفروع حي الزهراء والدمام/سيهات ما عندهم كباين/بارتيشن/قسم عوائل)
- الطواش
- قصر الضيافة
- مطعم انصيف
اللي يعرف غيرها يفيدنا رحم الله والديكم
r/qatif • u/AdvancedJudgment3331 • 4d ago
هل تنصحوني ازور جزيرة تاروت؟ ما قد زرت جزر ابدا وابي ابدا بجزيرة داخل السعودية هل ازور تاروت او جزيرة فرسان؟ ابي ازور جزيرة وحده وش ترشحون؟
r/qatif • u/OutrageousAbalone695 • 4d ago
انني جديد على هذا العالم
r/qatif • u/oh_my5043 • 4d ago
هذا اكثر فيلم متحمس اشوفه لدرجه شاري تذكره من شهرين و اخر مره رحت السينما كان في واحد مزعجني هو و ولده كل شوي يسولف و يسال عن الفيلم سؤال مرا تافه و رافع صوته مهما تطالع فيه ما في حل ولا فايده ف أبي اعرف وش الحل مع كذا نوعيات
r/qatif • u/za556her • 5d ago
سلام عليكم
الي له في الدراجات هل ذي ممتازة ؟
r/qatif • u/silent_orbit01 • 5d ago
احتاج حل للارق لان صداع ولو ايش حاولت اني ااصحى بدري ماانام واضل تعبانه ومصدعه
وماودي اتعود ع الميلاتنين لان مشكله لين خلص وانا بالعاده اطول لين اشتري الشي ..
ف هل عندكم حلول !!
r/qatif • u/Dry_Walk_3306 • 7d ago
صبحكم الله بالخير
وشي اللغات اللي تعرفوها؟
أبغى اسمع الغريب والمميز صيني تركي روسي
r/qatif • u/Desperate_Art9996 • 8d ago
بعد ما تخرجت من الجامعة وبديت عمل صار صعب تكوين صداقات جديدة مع أشخاص قريبين من عمري ويشاركوني اهتماماتي...
كيف تكونوا صداقات جديدة؟
r/qatif • u/OldTurnover9147 • 8d ago
في احد يعرف من وين اشتري سكرين دور في الدمام او القطيف او الخبر ؟
داخلين على الشتاء وابي افتح البلكونة بس تدخل علي حشرات الصباح
دايم نسمع برد السنه بيصير غير لكن برد السنه ما بيكون نفس السنوات الي راحت بيكون نوعا ما مو بارد مثل قبل . نلاحظ ان كل سنه عدد الايام الي حسينا فيها ببرد شديد (مثلا 7C) كل سنه تقل السنه الشي بسبب ظاهرة النينو وتصادف السنه ذي وقت السوبر نينو (نقدر نقول هي الحالة الاعلى للنينو) لكن الجانب الثاني لها ان معدل هطول الامطار بيكون اعلى من السنوات الي قبل .
على طاري النينو او الناينوا ادري انها ظاهرة طبيعية لكن احنا خليناها قوية بسبب الاحتباس الحراري عشان كذا نلاحظ الدول ومن ضمنها السعودية تتجه الى مصادر طاقة متجددة ،لما يقصو لنا الشيبان انو بردهم كان قوي ويخش بالعظم تراهم ما يبالغو بردهم صحيح اقوى كان على ايامهم واثبت في شدته على سبيل المثال العام الماضي اعتقد اسبوعين الي كان فيها البرد شديد مره، و بسببها يتاخر الشتاء بالعادة من اكتوبر البرد يدخل لكن السنه ذي درعم في يوم وليلة ومتاخر كنه رايحه عليه نومه. السنه الجاية بيكون ابرد شوي ان شاء الله لان بنطلع من ذروة السوبر نينو الله يلطف بحالنا ان شاء الله. +برد الشيبان مابيرجع خلهم يقصو لكم وضعهم بالشتاء مع كوب شاي في النخل على ما يستوي المندي وعيشو أجواء مال اول
Note : انا مو عالم طقس لكن جالس اصمم محطة طاقة شمسية ولما عرضت المشروع على اللجنة قالو لي اني غافل عن ذي النقطة وجلست اقرا عنها وحبيت اشاركم بالمعلومة
من تجي العبودية في بالي ما اقتنع انها انتهت عشان البشر صارو كيوت ولطيفين واخلاقهم حلوه، فـ قررت احاول افهم ليش وزي ماعتقد دايما وأبداً الموضوع بطريقة او اخرى "الفلوس"
بعد دراسات وبحوث في الموضوع المادي وفيه كتب تتكلم عن هل شيء مثل كتاب The wealth of nations
وهوه كتاب يتكلم عن انه العبودية المدفوعة (الوظيفة) افضل ماديا واقتصاديا، يتكلم عن سكن ولبس ومشرب وعلاج العبد حتى ولو كان من غير اجر او راتب رح بكلف اكثر لو وظفتة،
وفيه شيء ثاني العبد يحتاج حراسة لا يحرب او يتمرد الخ. والعبيد في اخر السنين بدو يسو حروب وثورات يحاولو يحررو نفسهم او ينتقمو وهل شي شكل عبء أمني ومالي
تحرير العبيد ماكان شيء معتمد على الشهامه والمروئة ولا كان شيء اخلاقي تحرير العبيد قرار اقتصادي فقط ولو كانو العبيد مفيدين اقتصاديا بنكون الى اليوم هذا عندنا عبيد بكل مكان، ولو كان ارخص ان يتم استعبادك من توظيفك كنت الان انت عبد
فن فاكت : كلمه سلايف (slave) جاية من الشعوب السلافية لانه كانو وقتها اكثر شعب يستعبد، العبودية كانت موجود في كل شعب وكل شعب في زمن من الازمان كان منه عبيد
وبس هذا موضوع انترستنق قلت اشارك، وش رايك ؟
ملاحظة : لما الول انتهت العبودية اقصد العبودية بالشكل القديم شراء بيع وامتلاك الانسان
ملاحظة : العبد غير مقصود فيه لون بشرة معين العبيد موجودين بكل الشعوب
طبعا توهقت الايفون الملفات حقه سيئة وقبيحة لفيت يمين يسار لين قدرت اسوي ملفات تشبه الأندرويد وشكلها احلا
وعشان الهياط اكثر ترا الخلفية تصويري
ورينا جوالك ادا عندك شي احلا
r/qatif • u/Zealousideal_Goal_26 • 14d ago
عندي جهاز ayn thor واحتاج محل يضبطه لي من ناحية المحاكيات والاعدادات بسعر معقول ووقت معقول بالقطيف غير ريترو قيمينق
r/qatif • u/RecipeAlternative614 • 17d ago
السلام عليكم
مرة كنت بمجلس رجال وسمعت احد كبار السن الحاضرين يقص قصة شخصية له عن الاثار وكان يقول انه سابقًا القطيف مليئة بالاثار لدرجة المزارعين لما يحفروا كان عادي ببعض الاحيان تطلع لهم اثار ولا يستغربوا والموجودين اتفقوا وياه عادي.
هل هذا الكلام صحيح؟ انه القطيف كانت مليئة بالاثار لهالدرجة؟ وليش مانسمع عنها الحين ؟
واذا احدكم عنده قصة مع الاثار او يعرف قصة يحدثنا عنها.
شاكر قراءتكم ووقتكم 🙏
السلام عليكم
باذن الله بفتح كوفي قريب في القطيف وحابه اسمع اراءكم ونصايحكم سواء من محبين القهوة او اصحاب المشاريع والتجارب السابقة
عندي كم سؤال وحتى لو كانت اجابتكم قصيرة ممكن تفرق معي واجد وتفيدني في تأسيس المشروع بالشكل الصحيح
وش الاشياء اللي تخليكم ترجعو للكوفي وتكررو زيارته اكثر من مرة؟ وش الشي اللي يخلي المكان مميز بالنسبة لكم؟
هل فيه شي تتمنون تشوفونه في كوفيهات القطيف وما حصلتوه الى الان؟ سواء اجواء معينة او افكار او خدمات او تجارب مختلفة
وش اكثر شي يجذبكم في الكوفيهات غير القهوة؟ مثل الديكور والجلسات والموسيقى والاضاءة والتعامل او غيرها
اي راي او نصيحة او حتى فكرة بسيطة بتكون محل تقدير واهتمام مني
شاكره لكم مقدما والله يكتب لنا ولكم التوفيق 🤍
r/qatif • u/bobsssssst • 18d ago
انا مستواي بالانجليزي جيد جدا التحدث خصوصا لاني اتابع مسلسلات وافلام القراءة جيد جدا ايضا بس السبيلنغ سيء جدا جدا جدا يعني سيء مرة مقارنة مع التحدث والقراءة يعني صدق صفر ابي طريقة احسنه اذا في احد عنده طريقة و جزاكم الله خير
القراءة باحاول اقراء شوي زيادة اذا احد عنده نصيحة من وين اقراء ايضا و القواعد بشكل عام اراجع من فترة لفترة
وشكرا جزيلا
سؤال دايم يمر على بالي وجاوبت علية اكثر من مرة،
لما تشوف نفسك دايم الأذكى والأفضل والأفهم، الأقوى الأسرع الخ …
هل شي مايعتمد فقط على الذكاء على أشياء كثير تبدّا تسأل نفسك، كيف تتطور وكيف تصير افضل وأنت ماتشوف ناس افضل، عشان كدا ضروري جدا ترفع من مستوى الناس الي حولك وأصحابك وتجالس ناس يملؤك تحسس انك غبي ضعيف بطيء او او او. لانه هل احساس رح يجبرك انك تطور من نفسك في اي مجال كان وان كنت إنسان جالس مع ناس اقل منك في العاده رح تكون حاس بالرضا عن نفسك ومارح تشوف في حاجه لتطوير …
بالنسبه لجوابي أنا : للأسف أشوف انه من أنا الذكي أشوف انه كثير من الي حولي بروتيني اليومي ضعيفين من علم إلى بره إلى طموح الخ، كثير لاقي مدح وكلام حلو واشوف ماله قيمة لانه بكل بساطة الي يقولها ماعنده شي يبهرني،
على العموم أتمنى اني ألاقي احد يكون اعلى مني مستوى في شيء معين او كل شي عشان اقدر أستفيد منه، في الغالب عدم تعرفي على ناس كدا انه أنا شخص ضعيف بالتعارف
عطونا جوابكم
وبس سلامتكم
r/qatif • u/Altruistic-Safe537 • 18d ago
.
r/qatif • u/IdeaOfHuss • 19d ago
كنت شاك ان يمكن عندي مشكلة بالسمع اولا. كل اختبارات سمعي طلعت سليمة. بعد سنوات اكتشفت اني متعود ارفع صوتي من صغري لان سمع اهلي ضعيف هههه
r/qatif • u/Worried-Whereas9486 • 20d ago
عندي جهاز سويتش حق بنتي مدخل USB-C يحتاج تبديل وين ألاقي محلات في القطيف ممكن تصلح اجهزة الألعاب؟