1/ لو عايز تطلع تقرا جامعة برا السودان اول حاجة ما تأخذ معلومات من اصحاب المكاتب بتاعين القبولات الناس ديل 90% منهم بدو معلومات ما حقيقية من مصاريف معيشة لي رسوم الجامعات وفي تفاصيل ما بكلموكم بيها بس ببسطو ليك الموضوع وبجملو قدر الإمكان عشان انت توافق بس
وبعد دا زمنهم ببدو يشتغلو دعايات عشان يغرو الناس المساكين ويغشوهم
في دول ما تستحق انو الواحد يمشي يقرأ فيها وهم عشان يكسبو عملو ليها رواج كبير زي يعني مثلاً ((((قبرص التركية )))) لو انت اسسسي عايز تقدم قبرص أنا بقول ليك بالفم المليان اسحب ورقك وما تقدم لانو والله دا زوط مزبوط قبرص دي أسوء مكان ممكن الزول يقرأ فيهو جامعة ومن كل النواحي من غير ما اخش في تفاصيل
وما تقرا في دولة بترغمك انو تقرا الجامعة بي لغتها يعني مثلاً زي روسيا بالروسي او تركيا بالتركي (( ما تقرا في جامعة تركية بالتركي لانو دا فشللللل جااااهز وتركيا زاتها بقت بلد طاردة ومصاريفها بقت مبالغة شديد إلا لو انت غني وبتقدر تقرا في جامعة تركية خاصة بتدرس بالانجليزي واهلك عندهم الإمكانية يحولو ليك اكتر من 800 دولار في الشهر هنا ممكن تمشي تركيا وانا بقول الكلام دا عن تجربة في البلد ديك ))
عايز تقرا في اي دولة في العالم اتاكد انو لغة الدراسة بالإنجليزي لمصلحتك
ونصيحة وبقول الكلام دا بعد تجربة ودراسة للموضوع دا في مدة اكتر من سنتين لو عايز تقرا( اي مجال طبي احسن خيار لينا كسودانيين مصر ) ولو ما مصر احسن تقرا في جامعة خاصة في السودان زي الوطنية مثلاً او الرازي
ولو عايز تقرا اي مجال هندسي او ادبي وعندك ميزانية جيدة ممكن ماليزيا لو مافي امكانية في ماليزيا ممكن الصين مصاريفها كويسة والدراسة فيها كويسة شديد وفي جامعات بالانجليزي طبعاً وفق خيار ثالث الهند وبرضو صرفها جيد ومستواها كويس
لو عايز تقرا مجالات عندها علاقة بالحواسيب يعني هندسة حاسوب مثلا او it وكدا(( الهند افضل خيار ))
المجالات الطبية خياراتها محدودة ما زي الباقيين
واعيد أنا بقول الكلام دا بعد دراسة وبحث طويييل للموضوع ومن نواحي كثييييرة وعن تجربة ما ساي
قبل كم يوم خالتي اشترت عطر JPG حق scandal ح اخت صورته عشان تفهمو ، المهم بعد رجعت و قاعده تورينا ليها و شميناها و كده و حبوبتي عجبتها الريحه..خالي كان جايينا نفس اليوم زياره و بقت تكورك فينا
يمه: لمو البت المشتحه كرعينها دي
بقينا نسأل: "يُمه منو المشتحه كرعينها"
يمه: الشي العولاق الجابتها خالتك قبيل دي خلتها لينا مشتحه و مشت
انا من اليوم داك لحد يوم الليله ما نفس الزول و رسيماً تغير اسم الريحه للبت المشتحه و بقى ماعندها اسم غيره زول يمشي يبلغ jean paul✋🏾🙂↕️.
موقع لتنزيل الكتب وresearch papers. اي حاجة مكتوبة عندك فرصة كبيرة تلقاها هنا. لي فترة طويلة بستخدمه وما احتجت لموقع غيره, الا لي كم كتاب سوداني. بفصل ليك اي كتاب بتبحث عنه بنوع الملف: PDF, EPUB, MOBI و...الخ
موقع بسيط لامتحان وتطوير سرعة كتابتك، مقياس سرعة الكتابة هو ال WPM (Words Per Minute) متوسط سرعة الكتابة عند الانسان البالغ بين 30 و 40 كلمة في الدقيقة. فبتستفيد كلو ما كتابتك كانت اسرع، في الشغل في الدراسة في اي شي بتلقى نفسك بتحتاج زمن اقل انك تنقل الفكرة من راسك لكيبوردك.
ㅤ
Firefox
المتصفح الافتراضي لمعظم الناس هو Google Chrome وواحد من اسباب تحيزه على السوق هو انه بجي محمل مسبقا في كل تلفوناتنا بس المشكلة هنا انو ما افضل خيار في السوق.
ㅤ
اكعب حاجة في التصفح هي الإعلانات سواء كانت أخلاقية او غير اخلاقية دا حرفيا اكبر مصدر دخل لقوقل, في سنة 2025 ربح قوقل الكامل كان 402 مليار دولار ومن المبلغ دا 294 مليار جات من الأعلانات بس. دي حوالي 75% بالمئة. فأكيد طبعا قوقل حاتوقف اي محاولة لتقصير دخلها السنوي.
ㅤ
الناس لو قلبت لbrave او اي متصفح عنده Ad-Blocker بتكون خطوة جميلة بس في خطوة اجمل وهي انو الناس تقلب لفايرفوكس. واحدة من الأسباب هي انو معظم المتصفحات بتستخدم نفس الاساس حق كروم مشروع مفتوح اسمه chromium باسثناء فايرفوكس.
ㅤ
واحلى حاجة بلا منازع في المتصفح دا هي الextensions ما يتلقاها في كروم ولا بريڤ ولا اغلب المتصفحات التانية.
ㅤ
الExtensions او الإضافات بشكل مبسط تعتبر زي تطبيق صغير عنده مهمة واحد وبأديها لتحسين تجربتك على الانترنت.
ㅤفي اضافات لي اي شي بتحتاجه، مثلا كدا عندي اضافة بتعمل بلوك لليوتويب شورتس وعندي اضافة يتديني ايميلات وهمية للمواقع البتقول ليك جيب ايميل وحاجات تانية كتيرة.
ㅤ
من احسن الحاجات بالنسبة لي انه بقدر اشغل سبوتيفاي في السودان وبدون اعلانات بأستخدام التطبيق دا
ㅤ
كنت عامل بوست كامل للتطبيق دا براه بس لقيت نفسي كتبت كلام كتير وبقيت too technical عن كيف متصفح بريڤ كان كويس لحد ما قوقل حدثت كروميم بManifest V3 وكدا صعبت موضوع الad blocks بس ما علينا.
ㅤ
Honourable Mentions:
ديل برامج جميلة بس دايرة ليها كلام كتير فبجدعهم هنا والمهتم يتعب بس.
قبل فترة ليست بالطويلة اشتغلت في شغل مؤقت، وكان بيئة الشغل شاملة جنسيات مختلفة. منها المتقاربة في الثقافة ومنها البعيد.
اثناء الشغل ولما كان بدونا مهمة معينه نعملها، كنته بلقى اي فرد بتعامل بطريقة مختلفة عن التاني. وحتى ردة الفعل لكل فرد لحاجة معينة بتلقى فيها اختلاف.كنته بسوي حاجة معينة بلقى غيري ركز في تفاصيل ماكنته خاتي ليها بال، او بتلقى واحد ترك اساس الموضوع وركز في نقطة تانيه ماليها علاقه بالموضوع اصلن.
المواقف الزي دي عموما خلتني اشوف نظرة الناس للعالم بالنضارة. الواحد بعديها بدا يتسال، ماذا لو خلعته نضارتي البشوف بيها الحياة، والبس نضارة زول تاني. هل فعلا بشوفو الشايفو انا؟ هل الالوان البشوفها انا نفس البشوفوها الناس؟ والفضول مازال يكّون تساؤلات مشابهة.
من اكتر الحاجات البتميزك كإنسان انك عندك نظرتك الخاصة للحياة. نشأتك في بيئة معينة، طريقة التربيه، الثقافة والعادات، العلاقات الاجتماعية، تعرّضك لمواقف معينة وغيرها من المدخلات الاثرت ومازال بتأثر على نظرتنا للحياة. كلها بتحدد لينا كيف حنشوف ونتعامل وندي ردة فعل لامورنا الحياتية.
طيب كيف ممكن نحنا نستفيد من النقاش دا؟
- انك تتاكد وتتيقن ان هناك اكيد حل لمشكلة انته بتواجهها. انته بتشوف المشكله حجمها كبير وبلون معين، اما غيرك شايف فيها فرقات وطرق عبور من المشكله دي.
- تقبل اختلاف نظر الناس ببعد سوء الفهم وبخليك واعي وجاهز لانك تستقبل ردود افعال غير متوقعه منهم، ودا لانو شايفين حاجه ممكن انته ماشفتها او العكس.
- اكتساب مهارة المرونة في التعامل مع الآخرين. واللي بتخلق احترام وارتباط وثيق معاهم وتكوين بيئة غير سامة مريحة. سواء زوج او زوجة، اخوانك، اهلك، اصحابك، الناس الخ.
نحنا نقلنا بيت جديد من أقل من شهرين. بعد الحرب كنا قاعدين في بيت صغير، والبيت الجديد أكبر وواسع شديد، ولسه ما اتعودنا عليه. نحنا أصلاً عائلة خوافة شوية، وخصوصاً أخواتي، ومن أول ما جينا البيت ده عندنا إحساس غريب بعدم الراحة، خصوصاً ناحية المخزن.
المخزن مقفول ومظلم، وكلنا تقريباً عندنا رهبة منه، لكن كنا بنفتكر إنو الموضوع مجرد خوف من المكان والظلام.
المهم، أمس أختي جاتنا بالليل وهي بتبكي شديد وفي حالة خوف ما طبيعية. حكت لينا إنها كانت ماشّة جنب المخزن وقت العصر، يعني الدنيا ما كانت ضلام ولا حاجة، لكن المكان نفسو كان إضاءتو ضعيفة شوية.
وهي مارّة جنب باب المخزن، لمحت حاجة بطرف عينها لما ركزت وعاينت، قالت إنها شافت أصابع رجلين طالعه من فتحت الباب ، كأن في زول واقف جوة المخزن! وأول ما شافتهم الأصابع دخلت لجوه .
جاتنا وهي مرعوبة ومصرة إنها شافت رجلين بأصابع واضحة، وما كانت مجرد ظلال.
في البداية ما صدقناها، وحاولنا نلقى تفسير منطقي، خصوصاً إنو عندنا ضب كبير بتجول في البيت ومرات بدخل اللمخزن بنفس الفتحه دي ، فقلنا يمكن تكون شافتو واتخيلت إنو رجلين. لكن هي مصرة إنو الحاجة الشافتها ما كانت ضب.
والحاجة الغريبة إنو أنا ذاتي قبل فترة حصل لي موقف مشابه في نفس المخزن، لكن ما حكيت لزول وقتها لأني افتكرت إني اتوهمت. كنت شايفة أصابع يدين ماسكه في طرف الشباك بتاع المخزن ولما انتبهت ليها اختفت سريع فقلت اكيد بتوهم وما حقيقه .
هسه بعد الحصل مع أختي بقيت محتارة أكتر، خصوصاً إنو الموقفين حصلوا في نفس المكان.
عايزين نعرف رأيكم: ممكن يكون في تفسير منطقي للحاجات دي؟ هل ممكن الإضاءة أو زاوية النظر أو الخوف يخلونا نشوف تفاصيل بالشكل ده؟
ولو في زول مرّ بتجربة مشابهة، أو حصل ليهو موقف زي د يا ريت يحكي لينا.
وبرضو لو عندكم أي تفسير يطمننا، بالله شاركونا بيهو، لأن أختي من أمس ما قادرة تتجاوز الموضوع، وبقينا كلنا متوترين من ناحية المخزن.
قاعد امر بحالة ندم شديدة علي كل الحاجات الما قدرت اسويها في حياتي و في حدث حصل في حياتي و خلاني موضع مسؤولية مباشرة علي اهلي فزاد الطين بلة، عمري 24 سنة و هاتخرج قريب لكن نهائي ما حاسي بذرة فرح بل حاسي بانو انا ضيعت سنين عمري في شي ما عاوزه اساسا، ما قدرت اكون صداقات خلال فترتي الجامعية و لا قدرت اتعرف علي ناس يعني حياتي كلها كانت قراية في قراية بس ، مع عمري الكبير دا ما مريت باي تجربة عاطفية و حاسي بانو هاظل كدا لحد ما اموت و ما عشان عندي خجل بتعامل عادي لكن ما حصل قدرت اقول في نفسي اني حبيت قبل كدا او شعرت بعاطفة اتجاه انسان، و حاسي بالندم انو ما قدرت اعيش تجارب كتيرة زي الطلعات و الرحلات و حتي لقيت نفسي حاسد الناس لما اشوفهم قاعدين في جبنة و مبسوطين...
ما عارف اسوي شنو الصراحة و التفكير مرضني مرض عديل و بتجيني نوبة هلع كل ما اتذكر علي الحاجات الما سويتها و دخلت في اكتئاب شديد و بقيت ما بطلع من البيت حتى....
اسف علي الاطالة و اسف برضو علي الكلام الما مرتب و ما مفهوم دا لكن دا اقصي ما قدرت اكتبه حاليا
لينا ٤ سنين مواضيعنا كلها عن الحرب البسكت عن الظلم دايماً الظلم بيحصل ليه في الاخر واخوك كان حلقوا ليه بل راسك لي فترة كم مسلسل امريكي قديم بلقى فيه ذاكرين مشكلة دارفور هاوس Boston legal …الخ ونحن في السودان اراهن انو للان ما عارفين بحرب دارفور والاغلب اول مرة يسمع بالموضوع بعد الثورة في حين اي مثقف امريكي بيبعد عنك الاف الكيلومترات عارف المشكلة واصلها وتداعياتها حتى الاجانب كتبوا عن الموضوع زي كتاب محمود ممداني ابو زهران فرضاً انت عمسيبي وشايف دارفور مشكلة ولمتهم معانا بس حدود رسمها المستعمر في سويسرا من راسه وهم ما بشاركوك في العرق واللون واللغة “which is كلام فاضي" هم في النهاية بشر عايشين معاك في نفس الدولة والدولة بتقتل عشرات الالاف منهم بل مئات الالاف بتذكر مرة زمان قريت بوست في الفيس عن طالب في الخرطوم رجع يشوف اهله بعد ما تواصلهم انقطع، لمن قرب شم ريحة لحم مشوي، ولمن قرب اكتر لقى الجنجويد دخلوا قريتهم وحرقوا أهله كلهم تخيل يا إنسان!!! مشكلتنا ما مجرد حرب ولا أنانية وسرقة وجشع لأنو دي أخلاق الحروب والشعوب المقهورة، دي كلها أعراض ما مرض مرضنا الأساسي هو الجيل لسنين طويلة عشنا في دولة مسوسة ومخوخة من جوا ونحن ما جايبين خبر لمجرد انه في أمان نسبي ويا سلاااام بنمشي شارع النيل والدنيا باسطة الكيزان علفونا ودجنونا لدرجة بقينا كالأنعام بل أشد والناس معترفة بالحاجة دي لدرجة الناس بتطلق على انتصارات الجيش "علف" وايوا عايزين علف اكتر للاسف مافي انسان بوقف السوء عنده ويكسر الدائرة لالا لازم ديل يعانوا زي ما أنا عانيت لازم الخرطوم وباقي الولايات تتحرق زي دارفور لازم الطلبة ديل يتدقوا زي ما نحن اتدقينا زمان لازم اولادي يتضربوا ويتحرموا ما كلنا اتربينا كدا وطلعنا كويسين انا اتغشيت في بضاعة بس ح امرر الخسارة دي للزبون
بعيدا عن العنوان ما عندو دخل بكلامي وكاني جايه اتكلم عن روايه ولا حاجه عندي سؤال
وروني ايش اهتماماتكم بشكل عام سواء بالكتب او العاب او المهارات والمواهب الي بتحسو انها بتمثلكم وانكم رهيبين فيها وايش الشي بحرك فيكم احساس المتعه وقت تعملوه
حقيقة ما يخفى عليكم ظروف البلد الصعبة حاليا دي فبحاول اشوف لي اي مصدر دخل جانبي يسندني حتى لو ما كان كبير
فكرت في التجارة بحكم اني نوعا ما عندي فيها خبرة بسيطة فبفكر بي انو ابيع حاجات بالقطاعي واستهدف الفئة المحيطة بي ( جامعة, اصحاب, حلة الخ.... ) فا الموضوع ما حياكل زمن معاي لكن في كم مشكلة واقع فيها :
1- نسبة لتقلب سعر الصرف والمخاطر كونو الحاجة دي جديدة علي فا حبعد عن المواد الغذائية او اي شي سعرو بتقلب سريع وبفسد غالبا حاجة مضمونة زي الكترونيات او اكسسوارت التلفون
2- عشان المنافسة العالية في المجال دا فا انا لازم ابيع بي فرقة كبيرة من الناس واعوضو بي حق التوصيل او على الاقل الربح البسيط الصافي دا يكون في جيبي فا سعر الجملة دا لازم يكون ابو الرخا كانو جاي من الصين مباشرة مثلا بدون طواقي ( اسعار اضافية )
3- راس المال تعبان جدا هخخخ
حقيقة قاعد في وضع لا يحسد عليه لكن الواحد لازم يتحرك
لو في واحد عندو خبرة في المجال دا عندي اسألة كثيرة
او لو في واحد عندو افكار بزنس تانية الواحد ممكن يشتغلها بالجمبة مع الجامعة وممكن ما دايرة خبرة 🙏
انا طالب عمري 18 سنة، وعندي شغف كبير شديد في الكورة. الكورة بالنسبة لي ما مجرد لعبة، لما العب بحس باحساس صعب اوصفه، ولما اشوف فيديوهات مباريات او مهارات او تدريبات بحس بحماس ورغبة شديدة اني اكون في الملعب واعيش التجربة بنفسي.
الغريب انو ما في حاجة تانية بتاثر فيني او بتحمسني بنفس الطريقة. هي الحاجة الوحيدة البتخليني احس اني عايز اسعى واتعب عشان حاجة.
حلمي ابقى لاعب محترف، وعشان كدا بفكر اطلع من السودان، سواء عن طريق الدراسة او اي فرصة تانية، واسجل في نادي وادي نفسي فرصة حقيقية. عارف انو الموضوع صعب وما مضمون، لكن ما داير اندم بعدين اني ما حاولت.
داير اسمع من الناس العندها تجربة او معرفة بالمجال: ابدا من وين؟ وشنو الدول الممكن القى فيها فرص كويسة للاعبين الشباب؟
انا راجل و بنت خالتي تزوجت من 5 ايام في مصر ولحد هسي ما باركت ليها، انا في السعودية ما مشيت العرس وهي برضو مقيمة في السعودية وحترجع بعد كم يوم... اتصل عليها وابارك ليها هي وراجلها ولا انتظر لحد ما ترجع السعودية وابارك ليهم في بيتهم لما يرجعو هنا؟... باركت لخالتي واهلي بعد يوم العرس طوالي بس هي لا، انحرجت صراحة اتصل عليهم اول ايام زواجهم.
ما بحب السؤال دا لان عندي أكلات كثيرة بحبها في كل مطبخ ، في السوداني ام رقيقة ، النعيمية ، التقلية، رجلة ، ملوخية ، محشي ، سلطة جزر ( تاج راسنا ) في المصري كشري ، ملفوف ، مصقعه في السعودي جريش ، مرقوق ، مندي ، قرصان ، مطبق ، في الجزائري شخشوخة ومحاجب في الإيطالي بيتزا ، لازانيا ، ريزوتو ، تراميسيو ، في مطابخ تانيه بس ديل التوب