r/KHARTOUM_ • • 1h ago

دين الإسلام | Islam 🕋 بعض الناس :

Post image
5 Upvotes

اتوقع انتو عارفين انا قاعد بلمح لشنو؟


r/KHARTOUM_ • • 1h ago

الدراسة & منح | Education & Scholarships🏫 Seeking a Data Analyst

1 Upvotes

عندي بيانات لبحث تخرج دايرين نعمل ليها analysis لو في زول في الصب ده عنده خبره في الشغله دي او بيعرف محلل بيانات يتواصل معاي. 🌹🌹


r/KHARTOUM_ • • 2h ago

Question | سؤال ❓ السلام عليكم. المهتمين باللغة الالمانية راسلوني.

2 Upvotes

يتم التفكير في تعلم اللغة الالمانية، ان شاء الله ما تكون فكرة ليل عابرة ساي. علما ما بعرف حتى الحروف، يعني بداية من الصفر.

احتاج study partner. ياحبذا لو مجالك طب.


r/KHARTOUM_ • • 2h ago

اقتصاد & سياسة | Politics & Economics أخيرا وبشكل رسمي، كيكل يؤكد اعتزامه إرسال أبناء البطانة للارتزاق في اليمن

7 Upvotes

من هسي يا أخوانا، أي زول يمشي يرتزق في اليمن ويعتدي على أهلها ويموت فيها فهو فطيس، وجزاءه جهنم وساءت مصيراً


r/KHARTOUM_ • • 2h ago

Question | سؤال ❓ يا جماعة، ممكن تساعدونا نفهم الحصل ده شنو؟

4 Upvotes

نحنا نقلنا بيت جديد من أقل من شهرين. بعد الحرب كنا قاعدين في بيت صغير، والبيت الجديد أكبر وواسع شديد، ولسه ما اتعودنا عليه. نحنا أصلاً عائلة خوافة شوية، وخصوصاً أخواتي، ومن أول ما جينا البيت ده عندنا إحساس غريب بعدم الراحة، خصوصاً ناحية المخزن.

المخزن مقفول ومظلم، وكلنا تقريباً عندنا رهبة منه، لكن كنا بنفتكر إنو الموضوع مجرد خوف من المكان والظلام.

المهم، أمس أختي جاتنا بالليل وهي بتبكي شديد وفي حالة خوف ما طبيعية. حكت لينا إنها كانت ماشّة جنب المخزن وقت العصر، يعني الدنيا ما كانت ضلام ولا حاجة، لكن المكان نفسو كان إضاءتو ضعيفة شوية.

وهي مارّة جنب باب المخزن، لمحت حاجة بطرف عينها لما ركزت وعاينت، قالت إنها شافت أصابع رجلين طالعه من فتحت الباب ، كأن في زول واقف جوة المخزن! وأول ما شافتهم الأصابع دخلت لجوه .

جاتنا وهي مرعوبة ومصرة إنها شافت رجلين بأصابع واضحة، وما كانت مجرد ظلال.

في البداية ما صدقناها، وحاولنا نلقى تفسير منطقي، خصوصاً إنو عندنا ضب كبير بتجول في البيت ومرات بدخل اللمخزن بنفس الفتحه دي ، فقلنا يمكن تكون شافتو واتخيلت إنو رجلين. لكن هي مصرة إنو الحاجة الشافتها ما كانت ضب.

والحاجة الغريبة إنو أنا ذاتي قبل فترة حصل لي موقف مشابه في نفس المخزن، لكن ما حكيت لزول وقتها لأني افتكرت إني اتوهمت. كنت شايفة أصابع يدين ماسكه في طرف الشباك بتاع المخزن ولما انتبهت ليها اختفت سريع فقلت اكيد بتوهم وما حقيقه .

هسه بعد الحصل مع أختي بقيت محتارة أكتر، خصوصاً إنو الموقفين حصلوا في نفس المكان.

عايزين نعرف رأيكم: ممكن يكون في تفسير منطقي للحاجات دي؟ هل ممكن الإضاءة أو زاوية النظر أو الخوف يخلونا نشوف تفاصيل بالشكل ده؟

ولو في زول مرّ بتجربة مشابهة، أو حصل ليهو موقف زي د يا ريت يحكي لينا.

وبرضو لو عندكم أي تفسير يطمننا، بالله شاركونا بيهو، لأن أختي من أمس ما قادرة تتجاوز الموضوع، وبقينا كلنا متوترين من ناحية المخزن.


r/KHARTOUM_ • • 4h ago

Question | سؤال ❓ في زول هنا جرب الفيزا مارد بتاعت فوري دي في الدفع للخدمات العالمية زي اشتراكات الذكاء الصناعي؟

1 Upvotes

في زول هنا جرب الفيزا كارد بتاعت فوري دي في الدفع للخدمات العالمية زي اشتراكات الذكاء الصناعي؟

أو استقبل حوالات خارجية؟

والناس العندها حساب دولار مرن، هل التغذية والسحب ساهل فيه، واستقبال الحوالات الخارجية هل ساهل؟


r/KHARTOUM_ • • 4h ago

خارجيات | Random حبوبتي ح تجيب اجلنا بالضحك قبل ما هي تتوفى بالold age

Post image
15 Upvotes

قبل كم يوم خالتي اشترت عطر JPG حق scandal ح اخت صورته عشان تفهمو ، المهم بعد رجعت و قاعده تورينا ليها و شميناها و كده و حبوبتي عجبتها الريحه..خالي كان جايينا نفس اليوم زياره و بقت تكورك فينا

يمه: لمو البت المشتحه كرعينها دي

بقينا نسأل: "يُمه منو المشتحه كرعينها"

يمه: الشي العولاق الجابتها خالتك قبيل دي خلتها لينا مشتحه و مشت

انا من اليوم داك لحد يوم الليله ما نفس الزول و رسيماً تغير اسم الريحه للبت المشتحه و بقى ماعندها اسم غيره زول يمشي يبلغ jean paul✋🏾🙂‍↕️.


r/KHARTOUM_ • • 6h ago

دين الإسلام | Islam 🕋 دعواتكم مهمة

11 Upvotes

حالياً دخلت في إبتلاءات كبيرة أرجوكم لا تنسونا من الدعاء، الله يرد لكم كل الخير


r/KHARTOUM_ • • 6h ago

General Knowledge | معلومات عامة 💡 نظارتك الشخصية

7 Upvotes

قبل فترة ليست بالطويلة اشتغلت في شغل مؤقت، وكان بيئة الشغل شاملة جنسيات مختلفة. منها المتقاربة في الثقافة ومنها البعيد.

اثناء الشغل ولما كان بدونا مهمة معينه نعملها، كنته بلقى اي فرد بتعامل بطريقة مختلفة عن التاني. وحتى ردة الفعل لكل فرد لحاجة معينة بتلقى فيها اختلاف.كنته بسوي حاجة معينة بلقى غيري ركز في تفاصيل ماكنته خاتي ليها بال، او بتلقى واحد ترك اساس الموضوع وركز في نقطة تانيه ماليها علاقه بالموضوع اصلن.

المواقف الزي دي عموما خلتني اشوف نظرة الناس للعالم بالنضارة. الواحد بعديها بدا يتسال، ماذا لو خلعته نضارتي البشوف بيها الحياة، والبس نضارة زول تاني. هل فعلا بشوفو الشايفو انا؟ هل الالوان البشوفها انا نفس البشوفوها الناس؟ والفضول مازال يكّون تساؤلات مشابهة.

من اكتر الحاجات البتميزك كإنسان انك عندك نظرتك الخاصة للحياة. نشأتك في بيئة معينة، طريقة التربيه، الثقافة والعادات، العلاقات الاجتماعية، تعرّضك لمواقف معينة وغيرها من المدخلات الاثرت ومازال بتأثر على نظرتنا للحياة. كلها بتحدد لينا كيف حنشوف ونتعامل وندي ردة فعل لامورنا الحياتية.

طيب كيف ممكن نحنا نستفيد من النقاش دا؟

- انك تتاكد وتتيقن ان هناك اكيد حل لمشكلة انته بتواجهها. انته بتشوف المشكله حجمها كبير وبلون معين، اما غيرك شايف فيها فرقات وطرق عبور من المشكله دي.

- تقبل اختلاف نظر الناس ببعد سوء الفهم وبخليك واعي وجاهز لانك تستقبل ردود افعال غير متوقعه منهم، ودا لانو شايفين حاجه ممكن انته ماشفتها او العكس.

- اكتساب مهارة المرونة في التعامل مع الآخرين. واللي بتخلق احترام وارتباط وثيق معاهم وتكوين بيئة غير سامة مريحة. سواء زوج او زوجة، اخوانك، اهلك، اصحابك، الناس الخ.

ممكن في حاجات تانيه ماذكرتها فا كدي اكتبوا لينا نظرتكم للموضوع "بنضارتكم الخاصة".


r/KHARTOUM_ • • 6h ago

Question | سؤال ❓ هل الدفع بpaypal متاح في السودان

1 Upvotes

عندي مشروع شغال عليو داير اوجهو للسودان وعايز اعرف الدفع عن طريق paypal ده متاح في السودان لعامة الناس ولو لا شنو احسن بوابة دفع بديلة ليو


r/KHARTOUM_ • • 7h ago

فضفضة | Venting 🕳️ كل اتعامل مع الندم؟

1 Upvotes

​ قاعد امر بحالة ندم شديدة علي كل الحاجات الما قدرت اسويها في حياتي و في حدث حصل في حياتي و خلاني موضع مسؤولية مباشرة علي اهلي فزاد الطين بلة، عمري 24 سنة و هاتخرج قريب لكن نهائي ما حاسي بذرة فرح بل حاسي بانو انا ضيعت سنين عمري في شي ما عاوزه اساسا، ما قدرت اكون صداقات خلال فترتي الجامعية و لا قدرت اتعرف علي ناس يعني حياتي كلها كانت قراية في قراية بس ، مع عمري الكبير دا ما مريت باي تجربة عاطفية و حاسي بانو هاظل كدا لحد ما اموت و ما عشان عندي خجل بتعامل عادي لكن ما حصل قدرت اقول في نفسي اني حبيت قبل كدا او شعرت بعاطفة اتجاه انسان، و حاسي بالندم انو ما قدرت اعيش تجارب كتيرة زي الطلعات و الرحلات و حتي لقيت نفسي حاسد الناس لما اشوفهم قاعدين في جبنة و مبسوطين...

ما عارف اسوي شنو الصراحة و التفكير مرضني مرض عديل و بتجيني نوبة هلع كل ما اتذكر علي الحاجات الما سويتها و دخلت في اكتئاب شديد و بقيت ما بطلع من البيت حتى....​​

اسف علي الاطالة و اسف برضو علي الكلام الما مرتب و ما مفهوم دا لكن دا اقصي ما قدرت اكتبه حاليا


r/KHARTOUM_ • • 7h ago

خارجيات | Random تطبيقات ومواقع ظريفة

21 Upvotes

Anna's Archive

https://annas-archive.gl/

‫موقع لتنزيل الكتب وresearch papers. اي حاجة مكتوبة عندك فرصة كبيرة تلقاها هنا. لي فترة طويلة بستخدمه وما احتجت لموقع غيره, الا لي كم كتاب سوداني. بفصل ليك اي كتاب بتبحث عنه بنوع الملف: PDF, EPUB, MOBI و...الخ‬

ㅤ

Readest

https://github.com/readest/readest

كان عندي هدف اقرا 50 كتاب السنة دي وقريت معظم كتبي الاكترونية في التطبيق دا.

‫تطبيقopen sourced عنده خاصيات كتيرة زي: بحسب احصائيات قرائتك، تدوين vocabulary، ثيمات مختلفة وبديك خاصية انك تعمل upload لكتبك والannotations المعاها للcloud.

‬

‫الui جميل جدا، ومن احلى الحاجات تعامله مع ملفات الpdf في حال ما لقيت epub بخلي مظهرهم محترم وقابل للقرائة.‬

‫والناس في github شغالين عليه بتواصل وكلو فترة بطلعو update بكون فيه خاصيات جديدة وجميلة.‬

ㅤ

Yacine TV

‫لناس الكورة بعمل تغطية مباشرة لقنوات bein بجودات متعددة فبتلقى اي مباراة وقتي‬

‫ㅤ‬

Seal

https://github.com/junkfood02/Seal

برنامج خفيف ممكن تنزل بيه فيديوهات، بودكاستات و اغاني من اليوتيوب

ㅤ

Mihon

https://github.com/mihonapp/mihon

https://youtu.be/z2jIEriFZsI?si=KEgYJNsIstdT_MXZ

ㅤ

لناس المانقا والكوميكس.

عبارة عن تطبيق بخليك تقرا او تنزل اي مانقا او كوميكس مباشرة بدون اي اعلانات او اعتراضات مزعجة،

بشيل المانقا والكوميكس من مواقع كتيرة وتسهيلا ليك كمستخدم بجمعهم ليك في حتة واحدة.

‫انا استخدمته عشان اقرا Vagabond, Invincible, Absolute Batman و watchmen وكانت تجربة واستخدام جميل جدا‬

ㅤ

Streameast

‫موقع لمتابعي الرياضات الniche في مجتمعنا السوداني‬

‫يتلقى بثوث لكل انواع الرياضة لايڤ: كرة سلة, كرة قدم الامريكية, ملاكمة, فورميلا 1 و...‬

‫انا مثلا بستخدمه دائما للufc لو زمن الايڤنت بتجازف‬

‫‬ㅤ

Monkeytype

https://monkeytype.com/

‫موقع بسيط لامتحان وتطوير سرعة كتابتك، مقياس سرعة الكتابة هو ال WPM (Words Per Minute) متوسط سرعة الكتابة عند الانسان البالغ بين 30 و 40 كلمة في الدقيقة. فبتستفيد كلو ما كتابتك كانت اسرع، في الشغل في الدراسة في اي شي بتلقى نفسك بتحتاج زمن اقل انك تنقل الفكرة من راسك لكيبوردك.‬

ㅤ

Firefox

‫المتصفح الافتراضي لمعظم الناس هو Google Chrome وواحد من اسباب تحيزه على السوق هو انه بجي محمل مسبقا في كل تلفوناتنا بس المشكلة هنا انو ما افضل خيار في السوق.‬

‫‬ㅤ

‫اكعب حاجة في التصفح هي الإعلانات سواء كانت أخلاقية او غير اخلاقية دا حرفيا اكبر مصدر دخل لقوقل, في سنة 2025 ربح قوقل الكامل كان 402 مليار دولار ومن المبلغ دا 294 مليار جات من الأعلانات بس. دي حوالي 75% بالمئة. فأكيد طبعا قوقل حاتوقف اي محاولة لتقصير دخلها السنوي.‬

ㅤ

‫الناس لو قلبت لbrave او اي متصفح عنده Ad-Blocker بتكون خطوة جميلة بس في خطوة اجمل وهي انو الناس تقلب لفايرفوكس. واحدة من الأسباب هي انو معظم المتصفحات بتستخدم نفس الاساس حق كروم مشروع مفتوح اسمه chromium باسثناء فايرفوكس.‬

ㅤ

‫واحلى حاجة بلا منازع في المتصفح دا هي الextensions ما يتلقاها في كروم ولا بريڤ ولا اغلب المتصفحات التانية.‬

‫‬ㅤ

‫الExtensions او الإضافات بشكل مبسط تعتبر زي تطبيق صغير عنده مهمة واحد وبأديها لتحسين تجربتك على الانترنت.‬

‫‬ㅤفي اضافات لي اي شي بتحتاجه، مثلا كدا عندي اضافة بتعمل بلوك لليوتويب شورتس وعندي اضافة يتديني ايميلات وهمية للمواقع البتقول ليك جيب ايميل وحاجات تانية كتيرة.

ㅤ

من احسن الحاجات بالنسبة لي انه بقدر اشغل سبوتيفاي في السودان وبدون اعلانات بأستخدام التطبيق دا

ㅤ

‫كنت عامل بوست كامل للتطبيق دا براه بس لقيت نفسي كتبت كلام كتير وبقيت too technical عن كيف متصفح بريڤ كان كويس لحد ما قوقل حدثت كروميم بManifest V3 وكدا صعبت موضوع الad blocks بس ما علينا.‬

ㅤ

‫‬Honourable Mentions:

ديل برامج جميلة بس دايرة ليها كلام كتير فبجدعهم هنا والمهتم يتعب بس.

Shizuku - Termux - Anki - Nucleus Coop


r/KHARTOUM_ • • 20h ago Popcorn

كلام ساي| yapping 🗣️ ثرثرة ما بعد منتصف الليل

7 Upvotes

لينا ٤ سنين مواضيعنا كلها عن الحرب البسكت عن الظلم دايماً الظلم بيحصل ليه في الاخر واخوك كان حلقوا ليه بل راسك لي فترة كم مسلسل امريكي قديم بلقى فيه ذاكرين مشكلة دارفور هاوس Boston legal …الخ ونحن في السودان اراهن انو للان ما عارفين بحرب دارفور والاغلب اول مرة يسمع بالموضوع بعد الثورة في حين اي مثقف امريكي بيبعد عنك الاف الكيلومترات عارف المشكلة واصلها وتداعياتها حتى الاجانب كتبوا عن الموضوع زي كتاب محمود ممداني ابو زهران فرضاً انت عمسيبي وشايف دارفور مشكلة ولمتهم معانا بس حدود رسمها المستعمر في سويسرا من راسه وهم ما بشاركوك في العرق واللون واللغة “which is كلام فاضي" هم في النهاية بشر عايشين معاك في نفس الدولة والدولة بتقتل عشرات الالاف منهم بل مئات الالاف بتذكر مرة زمان قريت بوست في الفيس عن طالب في الخرطوم رجع يشوف اهله بعد ما تواصلهم انقطع، لمن قرب شم ريحة لحم مشوي، ولمن قرب اكتر لقى الجنجويد دخلوا قريتهم وحرقوا أهله كلهم تخيل يا إنسان!!! مشكلتنا ما مجرد حرب ولا أنانية وسرقة وجشع لأنو دي أخلاق الحروب والشعوب المقهورة، دي كلها أعراض ما مرض مرضنا الأساسي هو الجيل لسنين طويلة عشنا في دولة مسوسة ومخوخة من جوا ونحن ما جايبين خبر لمجرد انه في أمان نسبي ويا سلاااام بنمشي شارع النيل والدنيا باسطة الكيزان علفونا ودجنونا لدرجة بقينا كالأنعام بل أشد والناس معترفة بالحاجة دي لدرجة الناس بتطلق على انتصارات الجيش "علف" وايوا عايزين علف اكتر للاسف مافي انسان بوقف السوء عنده ويكسر الدائرة لالا لازم ديل يعانوا زي ما أنا عانيت لازم الخرطوم وباقي الولايات تتحرق زي دارفور لازم الطلبة ديل يتدقوا زي ما نحن اتدقينا زمان لازم اولادي يتضربوا ويتحرموا ما كلنا اتربينا كدا وطلعنا كويسين انا اتغشيت في بضاعة بس ح امرر الخسارة دي للزبون

كترت الكلام حقيف هنا


r/KHARTOUM_ • • 23h ago Popcorn

Question | سؤال ❓ كم عمركم ؟

Post image
6 Upvotes

r/KHARTOUM_ • • 23h ago

Question | سؤال ❓ صب خاص للزواج

7 Upvotes

السلام عليكم
بما إنو الناس كلها بتتكلم في العرس و العرس 😂
هل بتتوقعو لو عملنا صب خاص للزواج ممكن ينجح ؟ يعني قبل فترة شفت السعوديين عاملين صب خاص للزواج و لقيت الناس قاعدين يتزوجوا عادي

يعني للأسف الناس اتفرقت بعد الحرب و مافي إجتماعيات و بالنسبة لناس مصر و الخليج بقى شبه مستحيل انك تلاقي شريك حياتك فأعتقد ده خيار مناسب بس السؤال هنا هل بتحسو انو الموضوع ممكن ينجح معانا كسودانيين ؟ ولا الناس حتقضيها ونسة و هظار و ما حياخدوا الموضوع بجدية


r/KHARTOUM_ • • 1d ago

اقتصاد & سياسة | Politics & Economics تقريبا الجماعة قاعدين يطوقوا الدمازين حاليًا لو استمر الوضع على كدا في الايام الجاية حتبقى محاصرة

Post image
5 Upvotes

لو قدروا يدخلو الدمازين بيضغط على الوسط تحديدًا ولاية سنار
بيخفف الضغط على الدعامة في جبهة كردفان


r/KHARTOUM_ • • 1d ago

Question | سؤال ❓ تهنئة بخصوص زواج

1 Upvotes

انا راجل و بنت خالتي تزوجت من 5 ايام في مصر ولحد هسي ما باركت ليها، انا في السعودية ما مشيت العرس وهي برضو مقيمة في السعودية وحترجع بعد كم يوم... اتصل عليها وابارك ليها هي وراجلها ولا انتظر لحد ما ترجع السعودية وابارك ليهم في بيتهم لما يرجعو هنا؟... باركت لخالتي واهلي بعد يوم العرس طوالي بس هي لا، انحرجت صراحة اتصل عليهم اول ايام زواجهم.


r/KHARTOUM_ • • 1d ago

Question | سؤال ❓ وضع السودان

3 Upvotes

اي جماعة الاوضاع كويسة؟ امي دايرة تمشي القرى جهة شندي


r/KHARTOUM_ • • 1d ago

رياضة | Sport🏅 هل اقدر احقق الحلم؟

3 Upvotes

انا طالب عمري 18 سنة، وعندي شغف كبير شديد في الكورة. الكورة بالنسبة لي ما مجرد لعبة، لما العب بحس باحساس صعب اوصفه، ولما اشوف فيديوهات مباريات او مهارات او تدريبات بحس بحماس ورغبة شديدة اني اكون في الملعب واعيش التجربة بنفسي.

الغريب انو ما في حاجة تانية بتاثر فيني او بتحمسني بنفس الطريقة. هي الحاجة الوحيدة البتخليني احس اني عايز اسعى واتعب عشان حاجة.

حلمي ابقى لاعب محترف، وعشان كدا بفكر اطلع من السودان، سواء عن طريق الدراسة او اي فرصة تانية، واسجل في نادي وادي نفسي فرصة حقيقية. عارف انو الموضوع صعب وما مضمون، لكن ما داير اندم بعدين اني ما حاولت.

داير اسمع من الناس العندها تجربة او معرفة بالمجال: ابدا من وين؟ وشنو الدول الممكن القى فيها فرص كويسة للاعبين الشباب؟


r/KHARTOUM_ • • 1d ago

خارجيات | Random أول مرة اشوف imposter بيكشف نفسو

Post image
23 Upvotes

r/KHARTOUM_ • • 1d ago

Seeking Advice | طلب نصيحه داير ابدا بزنس

5 Upvotes

السلام عليكم ورحمة الله وبركاته

حقيقة ما يخفى عليكم ظروف البلد الصعبة حاليا دي فبحاول اشوف لي اي مصدر دخل جانبي يسندني حتى لو ما كان كبير

فكرت في التجارة بحكم اني نوعا ما عندي فيها خبرة بسيطة فبفكر بي انو ابيع حاجات بالقطاعي واستهدف الفئة المحيطة بي ( جامعة, اصحاب, حلة الخ.... ) فا الموضوع ما حياكل زمن معاي لكن في كم مشكلة واقع فيها :

1- نسبة لتقلب سعر الصرف والمخاطر كونو الحاجة دي جديدة علي فا حبعد عن المواد الغذائية او اي شي سعرو بتقلب سريع وبفسد غالبا حاجة مضمونة زي الكترونيات او اكسسوارت التلفون

2- عشان المنافسة العالية في المجال دا فا انا لازم ابيع بي فرقة كبيرة من الناس واعوضو بي حق التوصيل او على الاقل الربح البسيط الصافي دا يكون في جيبي فا سعر الجملة دا لازم يكون ابو الرخا كانو جاي من الصين مباشرة مثلا بدون طواقي ( اسعار اضافية )

3- راس المال تعبان جدا هخخخ

حقيقة قاعد في وضع لا يحسد عليه لكن الواحد لازم يتحرك

لو في واحد عندو خبرة في المجال دا عندي اسألة كثيرة

او لو في واحد عندو افكار بزنس تانية الواحد ممكن يشتغلها بالجمبة مع الجامعة وممكن ما دايرة خبرة 🙏


r/KHARTOUM_ • • 1d ago

Question | سؤال ❓ ثلوج القلب

Post image
9 Upvotes

بعيدا عن العنوان ما عندو دخل بكلامي وكاني جايه اتكلم عن روايه ولا حاجه عندي سؤال

وروني ايش اهتماماتكم بشكل عام سواء بالكتب او العاب او المهارات والمواهب الي بتحسو انها بتمثلكم وانكم رهيبين فيها وايش الشي بحرك فيكم احساس المتعه وقت تعملوه


r/KHARTOUM_ • • 1d ago

Cooking | طبخ 🍽️ شنو أكلتكم المفضلة ؟

Post image
2 Upvotes

ما بحب السؤال دا لان عندي أكلات كثيرة بحبها في كل مطبخ ، في السوداني ام رقيقة ، النعيمية ، التقلية، رجلة ، ملوخية ، محشي ، سلطة جزر ( تاج راسنا )
في المصري كشري ، ملفوف ، مصقعه في السعودي جريش ، مرقوق ، مندي ، قرصان ، مطبق ، في الجزائري شخشوخة ومحاجب
في الإيطالي بيتزا ، لازانيا ، ريزوتو ، تراميسيو ، في مطابخ تانيه بس ديل التوب


r/KHARTOUM_ • • 1d ago

فضفضة | Venting 🕳️ بالجد، حياتي بتدمر

16 Upvotes

انا لي سنة تقريبا بدون اي تقدم

لا كورسات، لا تعلم لغة جديدة ،لا تقدم في مجالي، لا رياضة ولا أي شيء

كل يومي إما نوم وإما سوشيال ميديا

مع اني كنت مجتهد وشاطر وعندي أحلام(وما زالت موجودة) بس ما عارف شنو الحصل لي

في شنو يا عالم، دا أنا وحدي ولا كل الشباب ولا الحاصل ، دا أنا بقيت كاره نفسي وحياتي.

بالمناسبة علاقتي بالعبادات مستمرة ولله الحمد


r/KHARTOUM_ • • 1d ago

اقتصاد & سياسة | Politics & Economics فكرة لي النقاش

1 Upvotes

انا شايف انو الجيش يوقع اتفاقية سلام مع الدعم السريع احتمال كويس.

أولا للدعم السريع مليشيا إرهابية وانا ما بدعمهم بي اي من اي ناحيه

.

لكن النقطة المهمة: اتفاقية السلام ما مفروض تكون حصانة من المحاسبة، ولا اعتراف بحق الدعم السريع في حكم الناس أو الاحتفاظ بقوته العسكرية خارج الدولة.

لكن الفكرة انو لو الجيش السوداني وقع اتفاقية سلام مع الدعم السريع انو حتى لو ما وقف القتل في السودان على الاقل ح يقل ويدي الاقتصاد فرصة تعافي والكهرباء ح تتعدل شوية.

Keep in mind:اتفاقية السلام ما بتضمن تلقائياً انخفاض العنف أو تحسن الاقتصاد. لو الاتفاق مجرد هدنة مؤقتة، أو الأطراف استخدمته لإعادة التسليح، ممكن تكون النتيجة أسوأ.

دي اول حاجه تاني شي انو لو عملنا ثورة أخيرة عليهم كلهم ممكن نحاسبهم كلهم مرا وحده والناس البطبيلو لي الجيش يسكوتو.

هل السلام فعلاً بيدي الناس فرصة أكبر للثورة والمحاسبة، ولا ممكن يدي الطرفين فرصة لتقوية سلطتهم وإضعاف المجتمع؟

الاحتمالين واردين.

لو السلام أدى إلى عودة الناس لمدنهم، واستعادة التنظيم المدني، وفتح المجال السياسي، فقد يساعد على بناء حركة شعبية أقوى.

لكن لو الاتفاق اتعمل بين القيادات العسكرية فقط، ووزع السلطة والثروة بينهم، وقفل المجال أمام المدنيين، ممكن السلام يتحول إلى تسوية تحمي الطرفين من المحاسبة.

يعني السلام ممكن يكون مرحلة انتقالية نحو التغيير، وممكن يكون وسيلة لإجهاض التغيير. الفرق في طبيعة الاتفاق والضمانات.

لما كتبت الناس البطبلو لي الحيش قصدي انو في ناس بيقولو الجيش يمسك البلد ومافي مدنية ولا شي والجيش هو الحا يفوز بي الحرب حتى لو استمرت قرن كامل و شافين الدعم السريع خاين ( أنا برضو شايف الحاجة دي ) لكن لو الجيش اتفق معاهو كدا حيكون في تناقض بين كلامهم.